Ngaahi Talanoa Mei he Folofolá
ʻOku Fakatomala ʻa Paula
Hili e pekia ʻa Sīsuú, ne hokohoko atu hono akoʻi ʻe Heʻene kau ākongá e kakaí. Ka ne ʻikai saiʻia e taha kotoa ʻi he meʻa ne akoʻi ange kiate kinautolú. Ne ʻi ai ha tangata ko Paula naʻá ne fuʻu angakovi ʻaupito kiate kinautolu ne nau muimui kia Sīsuú.
ʻI ha ʻaho ʻe taha lolotonga e fononga ʻa Paulá, naʻá ne mamata ki ha maama ngingila mei he langí. Naʻá ne fanongo ki he leʻo ʻo Sīsuú! Ne talaange ʻe Sīsū kia Paula ke ne kamata tokoniʻi e kakaí ke nau fakatomala mo muimui kiate Ia.
Ne fakakuihi ʻe he maama ngingilá ʻa Paula. Ne ʻi ai ha tangata māʻoniʻoni ko ʻAnanaia naʻá ne fakamoʻui e fofonga ʻo Paulá pea papitaiso ia.
Hili iá, ne akoʻi ʻe Paula e kakaí kau kia Sīsū Kalaisi. Ko ha faifekau, faiako, mo ha taki māʻongoʻonga ia ʻi he Siasi ʻo Kalaisí.
Te u lava ʻo fili ke angaʻofa kae ʻikai angakovi. Te u lava maʻu pē ʻo fili ke muimui kia Sīsū.