Ko e Hinga mo e Fakafoʻou ʻo e Faʻahinga ʻo e Tangatá—pea mo e Māmaní
ʻOku tau foua kotoa ʻa e fānauʻí, moʻuí, maté, mo e toetuʻú—pea ʻoku pehē pē foki mo e māmaní. Naʻe fānauʻi ʻa e māmaní (ʻo fakafou ʻi he Fakatupú), naʻe papitaiso ʻi he vaí (ʻo fakafou ʻi he Tāfeá), pea ʻe papitaiso ʻaki ʻa e afí (“ʻo ka hāʻele mai ʻa e ʻEikí, … pea ʻe hoko ʻo vaia ʻa e ngaahi ʻelemēnití ʻi he fuʻu vela lahi” [Molomona 9:2]), pea ʻe fakafoʻou ʻo hangē ha toetuʻú.1
Ko e Fakatupú
Ngaahi tā fakatātā ʻa Bryan Beach
1. Ko e Māmaní mo ʻĀtama mo ʻIvi ʻi he Tuʻunga Fakapalataisí:
“Ko e ʻuluaki fakatupu fakatuʻasino eni ʻo e ngaahi meʻá kotoa … naʻe natula fakapalataisi.”2 Hili pē ʻa e Fakatupú, ne ʻikai ha meʻa ʻe fakamatelie pe moʻulaloa ki he maté.3
Ko e Hingá
2. Ko e Māmaní mo e Tuʻunga Hinga ʻa e Faʻahinga ʻo e Tangatá:
“Naʻe tō e māmaní ʻi he malaʻia naʻe hoko ʻi he hinga ʻa [Ātama mo ʻIví], pea … ʻi hono huhuʻi e tangatá, ʻe pehē ʻa e māmaní ʻi hono toe fanauʻi foʻoú.”4
Ko e Hāʻele ʻAnga Ua Maí
3. Ko e Māmaní mo e Tuʻunga Fakamāʻoniʻoni ʻa e Faʻahinga ʻo e Tangatá:
“ʻI he Hāʻele ʻAnga Ua Mai ʻa e ʻEikí, ʻe toe fakafoki ʻa e māmaní … ki hono tuʻunga fakapalataisí pea hoko ʻo foʻou.”5
“Ko ia, ʻe fakamāʻoniʻoniʻi [e māmaní]; ʻio, neongo ʻe mate ia, ka ʻe toe fakaake ia,” pea ʻe maʻu ʻe he kau angatonú ʻa e puleʻanga fakasilesitialé (ʻa e māmani kuo fakamāʻoniʻoniʻí) (vakai, Tokāteline mo e Ngaahi Fuakava 88:17–26).