Ngaahi Tali mei ha ʻAposetolo
ʻE lava fēfē ke tokoniʻi au ʻe he Laumālie Māʻoniʻoní?
Fai ʻe ʻEletā Robert D. Hales
ʻO e Kōlomu ʻo e Kau ʻAposetolo ʻe Toko Hongofulu Mā Uá
Robert D. Hales, “Ko e Laumālie Māʻoniʻoní,” Liahona, Mē 2016, 105–107.
Ko e Laumālie Māʻoniʻoní ko e mēmipa hono tolu ia ʻo e Toluʻi ʻOtuá. ʻOkú ne fakamoʻoniʻi ʻa e Tamai Hēvaní mo Sīsū Kalaisi.
ʻOkú ne akoʻi kitautolu. ʻOkú ne ʻomi ha ʻamanaki lelei. ʻOkú ne tokoni mai ke tau fai lelei.
ʻOkú ne foaki mai ha ngaahi meʻafoaki fakalaumālie. ʻOkú ne foaki mai ha ʻilo mo tokoniʻi kitautolu ke tau manatuʻi e ngaahi meʻa mahuʻingá.
ʻOkú ne tokoniʻi kitautolu ke tau maʻa mei he angahalá. ʻOkú ne fakafiemālieʻi kitautolu.
ʻOku toe tokoni mai foki ʻa e Laumālie Māʻoniʻoní ke tau fai ha ngaahi fili mahuʻinga.
ʻOkú ne lea leʻo siʻi ki hotau ʻatamaí mo e lotó. ʻE malava pē ke kehekehe ʻetau ongoʻi Iá.