Ko ha Palōfita Foʻou

Kosi ʻa e ngaahi fakatātā ko ʻení ke tokoni atu ki hoʻo vahevahe ʻa e ngaahi talanoa ʻi he hisitōlia ʻo e Siasí.

Naʻe ʻalu ʻa Siosefa Sāmita ʻi he 1844 ki he Fale Fakapōpula Kātesí ke tatali ki ha hopo. Naʻe hū fakamālohi atu ha kau tangata kovi ki he fale fakapōpulá ʻo nau fakapoongi ʻa e Palōfitá mo hono tokouá! Naʻe ʻikai fakapapauʻi ʻe he Kāingalotú pe ko hai ʻoku totonu ke palōfita hokó. Kimui ange ai, ne hoko ha mana ʻi ha fakataha naʻe lea ai ʻa Pilikihami ʻIongi. Naʻe pehē ʻe ha kakai tokolahi naʻá ne fōtunga mo leʻo tatau tofu pē mo Siosefa Sāmita! Naʻa nau ʻilo ʻe hoko ia ko e palōfita hono hokó. ʻOku tau ʻilo ʻeni ko e taimi ʻoku pekia ai ha palōfita, ʻoku hoko leva e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá ko e palōfita hono hokó.