Kiʻi Tohi Fakamatala ʻo e Konifelenisi ʻo ʻOkatopa 2015

ʻI hoʻomou fakamanatu ko ia ʻa e konifelenisi lahi ʻo ʻOkatopa 2015, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Fakakonifelenisi ʻi he ngaahi pulusinga he kahaʻú) ke tokoni atu ki hoʻo akó mo hono fakaʻaongaʻi e ngaahi akonaki fakamuimuitaha ʻa e kau palōfita mo e kau ʻaposetolo moʻuí pea mo e kau taki kehe ʻo e Siasí.

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pe ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

Kau Fakamoʻoni Makehe Foʻoú

ʻEletā Ronald A. Rasband

“ʻOku ou fakafetaʻi ko e Fakalelei hotau Fakamoʻuí pea ʻoku ou fakaʻamu ke u hangē ko ʻAlamaá ʻo kalanga ʻaki e talupite ʻa e ʻOtuá.” —ʻEletā Ronald A. Rasband, “ʻOku Fakaofo Kiate au,” 90.

ʻEletā Gary E. Stevenson

“Ne u maʻu ha ongo makehe naʻá ne akoʻi mo fakafiemālieʻi au; ke ʻoua te u tokanga ki he meʻa he ʻikai ke u lavá, ka ko e meʻa ko ia te u lavá. Te u lava ʻo fakamoʻoni ki he ngaahi moʻoni mahinongofua mo pelepelengesi ʻo e ongoongoleleí.“ — ʻEletā Gary E. Stevenson, “Ngaahi Moʻoni Mahinongofua mo Pelepelengesi,” 92.

ʻEletā Dale G. Renlund

“ʻOku ou fakaʻamu ʻaki hoku lotó kotoa ke u hoko ko ha muimui moʻoni ʻo Sīsū Kalaisí. ʻOku ou ʻofa kiate Ia. ʻOku ou fakaʻapaʻapa kiate Ia. ʻOku ou fakamoʻoni ʻokú Ne moʻui. — ʻEletā Dale G. Renlund, “ʻI he Fofonga ʻo e ʻOtuá,” 94.

Ngaahi Tali Maʻau

ʻOku ʻomi ʻi he konifelenisi takitaha ‘e he kau palōfitá mo e kau ʻaposetoló, ʻa e ngaahi tali fakalaumālie ki he ngaahi fehuʻi ʻe lava ke maʻu ʻe he kāingalotu ʻo e Siasí. Fakaʻaongaʻi hoʻo makasini ‘o Nōvema 2015 pe vakai ki he conference.lds.org ke maʻu ʻa e ngaahi tali ki he ngaahi fehuʻi ko ʻení:

• Ko e hā ʻoku ngali ʻaonga ai e Siasí ki ha kakai ʻe niʻihi kae ʻikai ki ha niʻihi? Vakai, Dieter F. Uchtdorf, “ʻOku ʻAonga ʻAupito!” 20.

• Ko e hā ha ngaahi moʻoni mo ha ngaahi tokāteline te ne tauhi malu kitautolu ʻi he Siasí? Vakai ki he M. Russell Ballard, “ʻOku ʻi he Foheʻulí ʻa e ʻOtuá,” 24.

• Ko e hā ʻoku fakafonu ai e ngaahi tuʻunga fakatakimuʻa pule ʻi he Siasí ʻe he kau tangata matuʻotuʻa angé? Vakai, David A. Bednar, “Kuo Fili ke Fakamoʻoniʻi ʻa Hoku Hingoá,” 128.

• Ko e hā ʻoku fie maʻu ai ke u kau ʻi he Siasí ʻo kapau ʻoku ou fakakaukau ʻoku ou fakalaumālie pē au taʻe kau mai ki ai? Vakai, D. Todd Christofferson, “ʻUhinga ʻo e Siasí,” 108.

Ke lau, mamata pe fanongo ki he ngaahi lea ʻo e konifelenisi lahí, vakai ki he conference.lds.org.

• Ko e Talangofuá ko ha Fili.

  Neil L. Andersen

• Tuku Ke Ulo Hoʻomou Māmá

  Thomas S. Monson

• Ko e Sākalamēnití