Taime no te papa’iraa mo’a

Petero, Koronelio e te malahi

Na Erin Sanderson

Te ora nei te taata papaʻi i Utaha, i Marite.

Haapii amui no ni’a i te Faufaa Apî i teie matahiti !

Product Shot from October 2015 Liahona

I muri a’e i to Iesu ti’a-faahou-raa e te ho’iraa i te ra’i ra, ua haapii o Petero e te tahi atu mau aposetolo i te mau vahi e rave rahi, i te mau Ati Iuda ana’e râ.

E ti’a faatere o Korenelio i roto i te nuu fa’ehau no Roma. Te ti’aturi ra oia i te Atua, e ere râ oia i te Ati Iuda Ua fâ maira te hoê melahi ia’na e ua parau maira ia’na ia titau ia Petero ia haere mai. Ua tono a’era Korenelio i to’na mau taata ia haere e imi ia Petero, e ua parau atura te Varua Maitai ia Petero ia haere na muri iho ia ratou.

I te fare o Korenelio, ua haapii o Petero i te mau taata e rave rahi tei haaputuputu mai i reira. Ua parau oia ia ratou no ni’a i te evanelia a Iesu Mesia, e ua farii ratou i te Varua Maitai e ua ite a’era ratou e, e parau mau te reira. I te iteraa to Petero mau hoa e, ua haapii oia i te mau taata e ere i te Ati Iuda, ua maere roa ratou. Ua parau atura râ Petero ia ratou e, ua haapii mai oia e, no te mau taata atoa te evanelia a Iesu Mesia (Hi’o Ohipa 10:1–48 ; 11:1–18).

Aparauraa utuafare

A tai’o Mataio 28:19–20. A aparau e nahea e nehenehe ai ia tatou ia faaite i te evanelia i te mau taata atoa. A feruri i te mau uiraa a to outou mau hoa e aore râ, te mau taata i piha’i iho mai ia outou, no ni’a i te evanelia. E nehenehe ta outou e haapiipii i te uiraa e i te pahonoraa i te mau uiraa ma te ha’utin taata ora e to outou utuafare.

Himene : A ma’iti hoê himene no ni’a i te ohipa misionare, mai te huru « Proclamons la vérité » (Chants pour les enfants, 92).

Papa’iraa mo’a : Mataio 28:19–20

Video : Haere i ni’a i te Biblevideos.org no te mata’ita’i « Peter’s Revelation to Take the Gospel to the Gentiles ».

Mana’o tauturu no ni’a i te mau papa’iraa mo’a

E nehenehe ta tatou e maramarama maitai a’e i te mau papa’iraa mo’a ia faaite ana’e tatou i te mea ta tatou e apo nei. A tai’o i te hoê tuhaa o te papa’iraa mo’a e to outou utuafare, e a paraparau i te auraa no te mau ta’o fifi, e aha te auraa o te papa’iraa mo’a no outou, e te mau rave’a no te faaohipa i te reira i roto i to outou oraraa.

Haapii hau atu

Hou a piihia ai o Petero ia riro ei pipi, e taata rava’ai oia tei parauhia o Simona. Ua horo’a o Iesu ia’na i te i’oa Petero, oia hoi, e « ofa’i » e aore râ, e « papa ». I muri a’e i to Iesu faaru’eraa mai i te fenua nei, o Petero te aposetolo faaatere e na’na i arata’i i te Ekalesia. Ua mau oia i te mau taviri, e aore râ, te mana, o te autahu’araa.

A faaineine no te faaite !

Hoê rave’a no te riro ei misionare maitai maori râ, e tamata ia rahi atu te riroraa mai ia Iesu te huru. A tapupu i te mau tareta e a papa’i i ni’a iho i te reira hoê huru o ta outou e hinaaro e faaohipa. Peneia’e e nehenehe oe e riro o « Elder Maitai » e aore ra o te « Tuahine Mauruuru ». A tuu i ta outou tareta i te vahi e faahaamana’o te reira ia outou i ta outou opuaraa.

Elder

Elder

Tuahine

Tuahine

Pae aui : faahoho’araa na Craig Stapley ; pae atau : tuhaa no roto mai i te hoho’a o te Mesia, na Heinrich Hofmann, ho-mai-hia e C. Harrison Conroy Co.