Aia ! Nahea’tura ïa ?
E nehenehe e tupu i te mau huru vahi atoa—i te fare, i te fare haapiiraa, e aore râ i te fare o te hoê hoa. I tera iho taime e ite outou i te hoê mea ta outou i ite e ere i te mea maitai—i ni’a i te hoê niuniu, te afata teata, te rorouira, e aore râ i te hoê tao’a ha’uti, e aore râ i roto i te hoê buka e aore râ te hoê ve’a. I teie nei e aha te ti’a ia outou ia rave no te farii i te hau ?
-
A faaatea ê ia outou. A tupohe. A tuu i raro. A faariro i te reira mai te hoê raau taero no to outou roro—no te mea, o te reira to’na huru.
-
A faaite i to outou mama e papa. Ua ite maitai a’e to outou na metua ia outou, e te hinaaro nei raua e tauturu ia outou ia vai hau e ia oaoa. Eiaha e haape’ape’a. Te ohipa tei tupu i ni’a ia outou e tupu atoa ïa i te tahi taime i ni’a fatata te mau taata atoa.
-
A tamau noa i te paraparau. Peneia’e e tauturu te reira ia outou mai te mea e faaite outou i to outou mama e aore râ to outou papa i te mau taime atoa e ite outou i te hoê mea o tei haape’ape’a ia outou i te reira mahana. E nehenehe te mau metua e tauturu ia outou ia feruri i te hoê faanahoraa no te paruru ia outou eiaha ia hi’o i te mau mea tano ore. Mai te mea e, te mana’o ra outou e, tei roto outou i te herepata, te pe’ape’a ra, e aore râ, te hinaaro ra e hi’o faahou i te hoê mea tano ore, eiaha e haamo’e i te parau atoa ia raua i te reira.
-
Eiaha e parahi noa i reira. A mata’ita’i e aore râ a tai’o i te hoê mea maitai. A rave i te hoê ohipa. A rave i te hoê ohipa maitai. A haere i piha’i iho i te utuafare e aore râ i te mau hoa.
-
A haamana’o o vai outou. E ere outou i te taata ino no tera mea ta outou outou i hi’o. E tamarii outou na te Atua, ua here Oia ia outou e te hinaaro nei ho’i ia tauturu ia outou ia vai hau noa e ia oaoa.
-
A vaiiho atu i te reira. A feruri ia outou iho te tuu ra i te hoê opupu e te hi’o noa ra i te reira ia pee ê. A tamata ia faahau e a vaiiho i te mea ta outou i hi’o ia pee i rapae i to outou feruriraa. I teie nei, a feruri i te hiero, to outou utuafare, e aore râ, te tahi atu mea ta outou e au ia hi’o.
Faahohoʻaraa na Shawna J. C. Tenney