Samtang kamo magribyu sa kinatibuk-ang komperensya sa Oktubre 2014, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.
Matag komperensya, ang mga propeta ug mga lider maghatag og dinasig nga mga tubag sa mga pangutana sa mga miyembro sa Simbahan. Magamit ninyo ang inyong Nobyembre 2014 nga isyu o bisitaha ang conference.lds.org sa pagpangita og mga tubag niini nga mga pangutana:
Sa unsang paagi kita mas makasabut sa kahulugan sa sakrament? Tan-awa sa Cheryl A. Esplin, “Ang Sakrament—usa ka Pagbag-o alang sa Kalag,” 12.
Unsa man ang relasyon tali sa kabubut-on, kaangayan, kalooy, paghinulsol, ug Pag-ula sa Manluluwas? Tan-awa sa D. Todd Christofferson, “Gawasnon sa Kahangturan, nga Molihok alang sa Ilang Kaugalingon,” 16.
Ngano nga ang panimalay mao ang labing nindot nga dapit alang sa pagtudlo sa ebanghelyo ni Jesukristo? Tan-awa sa Tad R. Callister, “Mga Ginikanan: Ang Nag-unang mga Magtutudlo sa Ebanghelyo sa Ilang mga Anak,” 32.
Sa unsang paagi ang mga ginikanan magtinabangay sa pagtukod og mahangturong pamilya? Tan-awa sa L. Tom Perry, “Pagkaplag og Malungtarong Kalinaw ug Pagtukod og Mahangturong mga Pamilya,” 43.
Si Elder Neil L. Andersen sa Korum sa Napulog Duha Ka mga Apostoles nagsugyot og duha ka paagi nga ang kabatan-onan “makaangkon og personal nga pagsaksi ni Propeta Joseph Smith”:
“Una, pangita og kasulatan sa Basahon ni Mormon nga sa inyong pamati ug pagtuo tinuod gayud. Dayon ipaambit kini sa pamilya ug mga higala … , moila nga si Joseph usa ka instrumento sa mga kamot sa Dios Sunod, basaha ang pagpamatuod ni Propeta Joseph Smith sa Perlas nga Labing Bililhon. … Ikonsiderar ang pagrekord sa pagpamatuod ni Joseph Smith sa inyong kaugalingong tingog, pagpaminaw niini kanunay, ug pagpaambit niini sa mga higala.”
Gikan sa “Joseph Smith,” Liahona, Nob. 2014, 30.
Ngano nga ang mga Santos sa Ulahing mga Adlaw gusto nga mopakigbahin sa ebanghelyo?
“Ang matinud-anong disipulo ni Jesukristo sa kaniadto ug sa kanunay maisugong mga misyonaryo,” miingon si Elder David A. Bednar sa Korum sa Napulog Duha Ka mga Apostoles. “Ang misyonaryo sumusunod ni Kristo kinsa nagpamatuod Kaniya isip Manunubos ug namahayag sa kamatuoran sa Iyang ebanghelyo.
“Ang Simbahan ni Jesukristo sa kaniadto ug sa umaabut sa kanunay misyonaryo nga simbahan. …
“… Ang pagpakigbahin sa uban sa mga butang nga labing makahuluganon nato o nakatabang nato sagad lang.
“Kining sama nga sumbanan makita sa mga butang nga may dakong espirituhanong importansya ug sangputanan.”
Unsa ang atong mahimo kon ang mga tawo nagpahayag sa interes sa ebanghelyo ug sa Simbahan? Si Elder Bednar miingon nga kita makasunod sa ehemplo sa Manluluwas pinaagi sa pagdapit kanila nga “dali ug tan-awa” (Juan 1:39).
Gikan sa “Dali ug Tan-awa,” Liahona, Nob. 2014, 107, 109.
Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya bisitaha ang conference.lds.org