Linain nga Saksi
Mga Sulat gikan ni Lola Whittle
Elder Richard G. Scott
Sa Korum sa Napulog Duha ka mga Apostoles
Sa batan-on pa si Elder Richard G. Scott, ang iyang amahan dili pa miyembro sa Simbahan. Ang iyang inahan usa ka miyembro, apan siya dili mosimba kanunay. Sa dihang si Richard nag-otso anyos, siya wala magpabunyag. Dayon ang iyang Lola Whittle mibisita.
Si Lola Whittle usa ka maayo kaayo nga ehemplo. Gitabangan niya si Richard ug ang iyang mga igsoon nga makat-on kon unsa ka importante ang magpabunyag ug pagsimba. Sa wala madugay si Richard ug ang iyang magulang nga igsoong lalaki nabunyagan.
Matag higayon nga si Richard mohatag og pakigpulong sa simbahan, siya motawag ni Lola Whittle sa telepono aron sa pagkuha sa iyang mga ideya. Sa dili madugay siya makadawat og sulat nga dunay pakigpulong nga gisulat sa iyang lola alang kaniya. Sa dihang midako na siya, ang iyang lola mopadala og outline sa mga ideya sa pagtabang kaniya sa pagsulat sa iyang kaugalingong pakigpulong. Si Richard kanunay nasayud nga si Lola Whittle nahigugma kaniya ug nahigugma sa ebanghelyo.
Sa kolehiyo si Richard nakahimamat og laing maayo nga ehemplo. Ang iyang ngalan mao si Jeanene. Usa ka gabii miingon siya, “Kon ako magminyo, ngadto kini sa usa ka matinud-anong returned missionary diha sa templo.” Si Richard mihukom sa pag-ampo mahitungod sa pagmisyon. Sa wala madugay siya ug si Jeanene nagmisyon. Human sila makauli, si Richard ug Jeanene naminyo sa Manti Utah Temple.