Unsay problema kon magtutok sa sayop sa uban?

“Samtang ang [usa ka] tawo miagi sa balay sa iyang silingan, nakakakita siya sa usa ka dako, yellow nga dandelion nga sagbut sa tunga-tunga niining nindot nga nataran.… Nganong wala man kini ibta sa iyang silingan? Dili ba ni niya makita? … Kining nag-inusarang dandelion nakahasol kaayo [sa tawo], ug gusto niya nga adunay buhaton niini. Ibtun na lang ba niya kini? O isprihan niya og pangpatay sa sagbut? Tingali kon moadto siya sa gabii, sekreto niya kining maibut. Kini maoy iyang gihunahuna samtang naglakaw siya padulong sa kaugalingon niyang panimalay. Misulod siya sa iyang balay nga wala gani mopasiplat sa iyang kaugalingong nataran—nga napuno sa gatusan ka mga yellow nga dandelion.… Dili ko sigurado nganong maayo kaayo kitang mamantay ug mosugyot og mga solusyon sa mga sayop sa ubang tawo, samtang kasagaran maglisud kita sa pagkakita sa kaugalingon natong mga sayop.”

Presidente Dieter F. Uchtdorf, Ikaduhang Magtatambag sa Unang Kapangulohan, “Ako Ba, Ginoo?” Liahona, Nob. 2014, 56, 58.