គំនិតទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។នៅខាងក្រោមនេះជាគំនិតចំនួនពីរ ។
« ការរៀបចំអំណោយសម្រាប់គ្រួសារនាពេលអនាគតរបស់អ្នក » ទំព័រ 46 ៖ បន្ទាប់ពីអានអត្ថបទរបស់ប្រធាន អាវរិង មក សូមពិចារណាបង្កើតកម្មវិធីបង្ហាញទេពកោសល្យជាគ្រួសារមួយដែលឪពុកម្ដាយ និង កូនៗអាចចែកចាយទេពកោសល្យ ។ បន្ទាប់ពីមនុស្សគ្រប់គ្នាមានឱកាសចែកចាយហើយ នោះឪពុកម្ដាយអាចពិពណ៌នាពីវិធីដែលទេពកោសល្យរបស់ពួកគេប្រទានពរដល់គ្រួសារ ។ បន្ទាប់មក ពួកគេអាចអញ្ជើញកូនៗ ចែកចាយពីរបៀបដែលទេពកោសល្យរបស់ពួកគេប្រទានពរដល់គ្រួសារ និង របៀបដែលពួកគេនឹងប្រទានពរដល់ក្រុមគ្រួសារនាពេលអនាគតរបស់ពួកគេនៅថ្ងៃណាមួយ ។ ឪពុកម្ដាយអាចលើកទឹកចិត្តកូនៗឲ្យដាក់គោលដៅដើម្បីបន្តអភិវឌ្ឍទេពកោសល្យរបស់ពួកគេ ។
« ការសាកល្បងព្រះគម្ពីរសញ្ញាចាស់ » ទំព័រ 74 ៖ សូមពិចារណាចាប់ផ្ដើមសាកល្បងការអានព្រះគម្ពីរសញ្ញាចាស់ជាគ្រួសារ ។ អ្នកអាចដកយកតារាងពណ៌ពីទស្សនាវដ្ដីនេះ ឬ បោះពុម្ពវាចេញពី liahona.lds.org ដើម្បីកត់ចំណាំពីការរីកចម្រើនរបស់អ្នក ។ សូមអាន ហើយ ពិភាក្សាពីបទគម្ពីរដែលបានណែនាំជាគ្រួសារ ព្រមទាំងពិចារណាធ្វើផែនការមួយដើម្បីបញ្ចប់ការសាកល្បងអានប្រចាំសប្ដាហ៍នេះក្នុងឆ្នាំនេះ ។
ជាភាសារបស់អ្នក
លីអាហូណា និង ឯកសារផ្សេងទៀតរបស់សាសនាចក្រមានជាច្រើនភាសា សូមចូលទៅកាន់ languages.lds.org ។