Ta eo Ebōk tok Eok n̄an Rexburg?

Sandra Rush, Idaho, USA

Ālkin am jokwe jon̄oul iiō ilo juon jikin ijo ejjab lukkuun lōn̄ membōr ro an Kabun̄ in, ļeo ippa im n̄a kar em̧akūt n̄an juon eo riturūm̧ ilo Rexburg, Idaho, USA, me epād wōt ruo baam̧le ko rejjab membōr. Eaar am iien em̧m̧an n̄an jokwe itūrier.

Eo jemen ar jepjep ujooj ilo jinoin ke kōm̧ij ettōrļo̧k ilo iaļ eo am n̄an m̧weo. Ļeo ippa im n̄a kar kijooļ ujooj eo am n̄an jeļā kajien. Ke ij leļo̧k peiū n̄an idik pein, Iaar kajjitōk, “Etke baam̧le eo am ar em̧akūt to n̄an Rexburg?”

Eaar uwaak, “Jerbal eo aō—im kōm̧ ar pukot jikin em̧m̧an ļo̧k ilo town n̄an kwaļo̧k kadkadin Kraist.”

Iaar en̄jake āinwōt n̄e juon bōkaj in dān em̧ōļo kar luktōke n̄ae meja, ak iaar ettōn̄ dikdik. Iaar jeļā ilo tōre eo bwe jekdo̧o̧n ta eo eo riturūm̧ enaaj ba ak kōm̧m̧ane, jej aikuj in riturin eo em̧m̧antata Jenaaj kajieon̄ in uwaak ilo aolep jekjek ippāer ilo jouj, iakwe, im ilo jabdewōt wāween, āinwōt an kar Rilo̧mo̧o̧r kōm̧m̧ane.

Ālkin iiō ko ralitōk eaar bōk tok elōn̄ m̧akūtkūt ko ikōtaan baam̧le ko am. M̧am̧a eo kar kūr tok n̄an im pād ilo m̧akūtkūt ko an Doulul eo an Kōrā ro. Eaar karuwaineneik eō im elōn̄ iaan Armej ro Rekwojarjar ilo Raan-ko Āliktata rej riturūm̧ n̄an juon Kabun̄jar an kōrā kōm̧m̧an jen kabun̄ eo an. Ļeo ippa im n̄a kar karuwaineneik kōmro n̄an eb im katak piano an arji ro nejier. Baam̧le eo aer ar kakobaik ro riturier n̄an kōm̧āt im bade ko. Im kōm̧ ar bōk juon kūr jān ajri ro nejier erūtto ke rej aikuj iaļ n̄an m̧weo jān jerbal im rejjab maron̄ tōpar ro jineer im jemeer.

Ro jineer im jemeer raar inepata bwe ajri ro nejier maron̄ jino̧ kōņaan Armej ro Rekwojarjar, kōn menin raar jab kōtļo̧k an ļadik ro nejier koba tok ilo būrookram̧ ko an Jikaut. Bōtaab kapijuknen eo am ar juon jikin kone, ijo rej kōtļo̧k bwe ajri ro nejier ren ikkure n̄e ajir ro jibūm̧ rej jam̧bo tok.

Kajjojo iien ro riturūm̧ rej kajjieon̄ in kōreļļo̧k kōm̧ lo “bōd ko ilo iaļ eo am̧,” kar kakememej er bwe kōm̧ij lukkuun kautiej tōmak ko aer im wāween aer pād im kōkkajririik ajri ro nejier. Innām kōm̧ ar bwe kōm̧ij rie ejja tōmak ko am, eo ebarāinwōt io̧ļepān katak ko an Rilo̧mo̧o̧r.

Ke jinen baam̧le eo ej kajieon̄ in kōjerbal tōmak ko am reoktak n̄an jon̄e er make jān kōm indeeo, ba ke tōmak eo an Armej ro Rekwojarjar eoktak. Iaar kakememej e bwe jej jim̧or tōmak E ej kwojarjar im ejitenbōro Nejin Anij. Āliktata kōrā eo im n̄a kar lan̄lōn̄ kōn juon en̄jake emāāņāņ im jem̧jerā etōnwadik.

Baam̧le eo aer ekar em̧akūt ilo aer kar jab kobatok ilo Kabun̄ in. Bōtaab eļan̄n̄e remaron̄ ba, “Kōm̧ ar jokwe ilubwiljin Mormon; rem̧m̧an im rejeļā kautiej armej kōn aolepen būruweer,” innām ij en̄jake kōm̧ tōpar rein ritūrum̧ rem̧m̧an im jipan̄ er erom em̧m̧anļo̧k bōk (armej ro rekwojarjar) im m̧ōttā ippān Armej ro Rekwojarjar.