Karuwainene im Kadeļo̧n̄ e tok Rilo̧mo̧o̧r eo
“Lo, Ij jutak im̧aan kōjām im kaļļaļļaļ: eļan̄n̄e jabdewōt armej enaaj ron̄ ainikiō im kapeļļo̧k kōjām eo, Inaaj deļo̧n̄ļo̧k n̄an e, im naaj kejotak ippān im e Ippa” (Revelesōn 3:20).
Ke Iaar juon ļaddik, ilo iien Kūrijm̧ōj jinō eaar likūt pija eo an Rilo̧mo̧or eo ej kōļļaļļaļ ilo juon kōjām. Kōm kar jab membōr ro an Kabun̄ in ilo tōre eo, im iien otemjej iaar kajjitōk, “Etke Jisōs ej kōļļaļļaļ ilo kōjām eo? Wōn eo ej pād iturejet eo juon?”
Jet iiō ko tok ālik iaar lo ejjeļo̧k kein ejjōb ilo tulikin kōjām eo Rilo̧mo̧o̧r eo eaar kōļļaļaļ ie. Armej eo itulowa eaar aikuj in kōpeļļo̧k kōjām eo. Kiiō ijeļā wōn eo ilo iturejet in kōjām eo. Ej kōj! Rilo̧mo̧o̧r eo ej kōļļaļaļ, im jej aolep aikuj in kōpeļļo̧k kōjām eo im karuwaineneik E n̄an mour ko ad.
Ke iaar juon jodikdik, iaar kālet n̄an karuwaineneik tok Rilo̧mo̧o̧r eo n̄an mour eo aō ilo aō peptaij im erom juon uwaan Kabun̄ in. Ro m̧ōtta raar waanjon̄ak ko rem̧m̧an n̄an n̄a. Barāinwōt jibū. Eaar juon rijerbal in tampeļ ilo Los Angeles California Tampeļ eo. Ekijoñ em̧m̧akūt jān im̧we imōm̧ ilo 4:00 ilo jimm̧ārok n̄an jerbal n̄an Irooj ilo tampeļ.
Ruo iiō ko ālkin aō kar peptaij, iaar kālet ke ikōņaan jerbal n̄an Irooj āinwōt juon mijenede ej jerbal-aolep raan. Ilo mijen eo aō, iaar jipan̄ elōn̄ armej katak kōn Rilo̧mo̧o̧r eo bwe ren maron̄ kar karuwaineneik E n̄an mour ko aer.
Tokālik, iaar jerbal āinwōt mijen būreejtōn ilo Samoa. Iien otemjej iaar kajjitōk ippān mijenede kāāl ro n̄āāt eo me raar kālet bwe ren jerbale juon mijen. Elōn̄ raar ba raar pād ilo Būraimere ke raar make kālet n̄an jerbal!
Būraimere enaaj jipan̄ eok m̧aanjappopo n̄an jerbal in mijenede. Katak jon̄an wōt am̧ maron̄. Kōm̧m̧ane juon kōttōpar n̄an jerbale juon mijen. Innām kwonaaj barāinwōt maron̄ jipan̄ armej karuwaineneik Rilo̧mo̧o̧r eo n̄an mour ko aer. Erom juon mijenede enaaj ukōt mour eo am̧—eaar ukōt iō.
Kōmeļeļe jen Jennifer tolman