Menin Leļo̧k an Jen
Rijeje eo ej jokwe ilo Utah, USA.
Iaar kōm̧m̧ane jet kālet ko rebōd ilo iiō in sophomore aō ilo high school. Kālet ko raar tōlļo̧k n̄an bōd ko reļļap im jab m̧ōņōņō, iaar pepe n̄an kōjerbal jōm̧ar eo n̄an jino kōm̧m̧ani oktak ko. Ke jikuuļ eaar ijjino, ij kijon̄ m̧ōn̄ā in rālep ilo juon jikin ilo ruum̧ in tutu eo ak dibin ruum̧ in tutu eo n̄an kōjekdoon jem̧jerā ko renana rej kōttar n̄an bar kōro̧o̧l eō.
Ijjan̄in kar en̄jake ajimakeke.
Innām Anij eaar letok juon menin leļo̧k: Eaar jilkintok n̄an Eō Jen. Ej jan̄in kar ekajete eō kōn bōd ko aō ak ijjelo̧kin eaar rōjan̄ eō n̄an etal m̧aanļo̧k wōt ilo iaļ eo ejim̧we. Jeļā bwe enaaj pād ilo jikuuļ jipan̄ eō wōnm̧aanļo̧k n̄an riiti jeje ko aō rekwojarjar im naajdik naan in kam̧ool eo aō. Jen iien eo kaduwōjļo̧k eo, iaar kam̧oole n̄an n̄a make bwe iaar kallim̧ur n̄an oktak.
Ij ļōmņak jet iien ia inaaj kar pād ie rainin eļan̄n̄e Jen en kar jab pukōt tok eō. Imaron̄ ke kar dābdep wōt n̄an pedped in katak ko aō eļan̄n̄e en kar jab e? Jeram̧m̧an, ij jamin naaj kar jeļā kōnke eaar pād ijo kōn aolepān būruwōn, pojak im m̧ōņōņō n̄an jipan̄ eō.