Camille jān New York City

Ratimjuon iiō dettan Camille ebol m̧ōttan. “Men eo em̧m̧an ippa kōn ro m̧ōtta ej bwe er aolep roktak,” eaar ba. “Rej itok jān jikin ko roktaktak, im eoktak wāween aer kōm̧m̧an jabdewōt. Camille ekōņaan ekkatak men ko rem̧m̧an jān ro m̧ōttan, im ekōņaan kwaļo̧k elōn̄ men ko n̄an er. Men eo em̧m̧antata eaar kwaļo̧k n̄an eo m̧ōttan ej ko̧jpeļ eo. Ālkin an kwaļo̧k laajrak in tōmak juon ippān eo m̧ōttan Yailin, Camille eaar karuwaineneik baam̧le eo an n̄an iioon mijenede ro. Camille eaar barāinwōt katakin Yailin elmān jar. Kiiō Yailin im jinen rej uwaan Kabun̄ in.

Al ko rem̧m̧antata ippa rej “N̄a Nejin Anij” im “Baamle ko Remaron̄ Ippan Doon N̄an Indeeo.” Eoon eo em̧m̧antata ippa ej Doctrine and Covenants 19:23: Katak kōn n̄a, im ron̄jake aō ennaan, etetal ilo ineem̧m̧an in aō Jetōb, im kwonaaj lo am̧ aenōm̧m̧an ilo n̄a. Eoon in iien otemjej ej kam̧ōņōņōik eō n̄e Ij būrom̧ōj.

Eo m̧ōttan Yailin ekar peptaij ilo 2011. Em̧m̧an ippa bwe jemaron̄ etaļ n̄an m̧ōn jar eo ippān doon. Ij jipan̄e kakeememej e Laajrak in Tōmak ko. Kōmij kakilōklōk laajrak in tōmak ratimjuon.

Jinō im jema rej jān Dominican Republic. Bōlen unin an enno̧ ibba rice, im bean ko, im bao. Ekakeememej eō kōn ijo baam̧le eo aō ej itok jāne

Ewōr ļalem armej uwaan baam̧le eo aō. Sister eo aō, Emily ej peptaij im kapene ilo Tijem̧ba. Brother eo aō,Victor, ej ātņake jema. Ejjan̄in wōr nejū menin mour, bōtaab ij ļōmņak in bōk juon wōn. Ikōņaan wōn kōnke rem̧m̧an im rerum̧wij, kōn menin reban ko.

Em̧m̧an ippa bwebwenato in Kiāptin Moronai ilo bok in Mormon. Jema ekijon̄ riiti ilo nokin in jota an baam̧le, im ekōketak eō n̄an kōm̧m̧an aō make bōļāāk. Bōļāāk eo aō ekakeememej kōn wōn n̄a im bwe Jemād Ilan̄ iien otemjej ej pād ippa.

Pija ko kōn jouj an baam̧le, ijjeļo̧kin āinwōt kwaļo̧k, pija in Statue an Liberty © Kōm̧m̧an Annan̄; Wōnm̧aantak, jān Walter Rane, jouj an Church History Museum