Ewi Wāween Aō Maron̄ Erom juon Mijenede Ewājepdik?
Rijeje eo ej jokwe ilo Maine, USA.
Jekdo̧o̧n ewi jon̄an amro eo m̧ōtta im n̄a kar jerbal, kajjojo eaar kowaan ennaan eo amro. Ta eo kōm maron̄ kar kōm̧m̧ane n̄an erom mijenede ro rewājepdik?
Iaar pād ilo mijen eo aō aitokļo̧k jidik jān juon iiō ke iaar en̄jake juon iien epen. Kōm kar pād ioļapen inepata, juon tōre—eļļā ļo̧k jidik jān iien m̧ōļo im deļo̧n̄e ļo̧k jino in iien meņeņ. Jekdo̧o̧n ewi jon̄an amro eo m̧ōtta im n̄a kar jerbal, kajjojo eaar kowaan ennaan eo amro. Ke kōmro kar ioon mijenede ro jet, kōm kar katak bwe jerbal eo aer eaar kajoorļo̧k. Iaar jab maron̄ ļōmņak kōn jabdewōt un ko etke kōm̧ro kar kanooj jab tōprak. Eaar bwe an aitok aō jerbal n̄an kanooj em̧m̧an aō kōnono kajin eo, kōmro eo mōtta kar lukkuun mōttāik doon, kōm kar ejaake lōke jen membōr ro, im kar kajieon̄ ļoor Jetōb eo im pokake kien ko an mijen eo ilo jejjet.
Bōtaab jekdo̧o̧n ta kōm kar kōm̧m̧ane, kōm kar jelm̧ae kowaan ilo aolep iien am kajieon̄. Ālkin wiik im wiik in jekjek in, iaar kōtļo̧k bwe m̧wil eo enana en anjo ioō. Ilo juon iien pepe iaar lam̧ōj, “Ta tokjen? Ejjeļo̧k juon enaaj ron̄jake kōjro.” Eo m̧ōtta, wōr an juon erreim̧aanļo̧k em̧m̧an jān kar n̄a, eaar ba, “Kōjro kōm̧m̧ani kōttōpar ko n̄an kwaļo̧k tōmak eo arro. Kōmro kar etal ļo̧kwan kōttōpar ko bwe kōmin bwini kōjeram̧m̧an ko am̧ro.”
Ke iaar linōri meļeļe eo an lio, iaar kile bwe iaar kōjerbal jekjek eo ebōd n̄an etale wājepdik eo aō ilo jerbal eo aō āinwōt juon mijenede. Kwaļo̧k Ko̧jpeļ eo Aō Ej Juon Tōl n̄an Jerbal in Mijenede ej letok juon laajrak in m̧wil ko an mijenede ro rewājepdik,1 im iaar kile bwe aolep m̧wil ko raar pād ilo kajoor an mijenede eo. Iaar jab maron̄ peke eļan̄n̄e ak jaab armej ro ilo mijen eo aō ren kar bōk ennaan eo an ko̧jpeļ eo, bōtaab imaron̄ peke kain mijenede rōt iaar kōnaan erom. Eo m̧ōtta eaar kwaļo̧k n̄an eō bwe ļapļo̧k in tōmak ilo Jisōs Kraist im kam̧oolol kōn kōjeram̧m̧an ko An naaj kar kōm̧m̧an bwe in kile wāween ko em̧ōj aō kadede kar juon mijenede ewājepdik.
Tōmak Ej Arrom̧eļo̧k Kabwilōn̄lōn̄ ko
Eaar juon men ettā n̄an kile bwe tōmak eo aō eaar jabwe. Iaar pukōt jikin ko me imaron̄ kar kōkajoorļo̧k tōmak eo aō im kar lo bwe n̄e men ko raar jab ettōr ekkar n̄an karōk, iaar kōm̧m̧an bwe in make kappwer iō. Kwaļo̧k Ko̧jpeļ eo Aō ej ba: “Ebbwer enaaj kōm̧ōjņo̧ikļo̧k tōmak eo am̧. Eļan̄n̄e kwoj door laļ lok kōtmene ko am̧, am̧ wājepedik enaaj dikļo̧k, am̧ ikdelel enaaj m̧ōjņo̧ļo̧k, im enaaj ļapļo̧k an pen am ļo̧re Jetōb eo.”2 Iaar kile bwe iaar anlo̧ke an apan̄ ko kamōjnoik tōmak eo aō.
Iaar jino kōn jar n̄an juon oktak in bōro im eļapļo̧k tōmak. Iaar barāinwōt pedped ioon kallim̧ur eo kar letok ilo Mormon 9:21: “Jabdewōt eo ej tōmak ilo Kraist, im ejjeļo̧k pere, jabdewōt enaaj kajjitōk ippān Jemā ilo etan Kraist naaj leļo̧k n̄an e; im kallim̧ur in ej n̄an aolep, em̧ool n̄an jeban ko in laļ.” Kallim̧ur in eaar tōl eō n̄an kije ilo kōmakijkij jar n̄an kōjeram̧m̧an ko im kabwilōn̄lōn̄ ko eo m̧ōtta im n̄a kar en̄jake kōm kar aikuji, iien otemjej kobaiktok, “En An Kilan.” Jar kein raar jipan̄ eō bōk karōk ko raar oktak im jab ļap tōprak ko kōn eļapļo̧k tōmak, jeļā bwe Jemedwōj Ilan̄ iien otemjej Ej uwaaki jar ko an tōmak—jekdo̧o̧n n̄e uwaak ko rej itok ilo wāween ko jab kōtmene kake. Eaar ļapļo̧k aō maron̄ kile wāween ko Irooj eaar tōl kōm ilo aolepān raan eo am.
Ke iaar jerbale n̄an kōkajoorļo̧k tōmak eo aō, iaar lo wāween eo em̧m̧an an ennaan eo jān Preach My Gospel bwe em̧ool: eļan̄n̄e kwoj ļōn̄aj kōtmene ko am̧, am̧ wājepedik enaaj ļapļo̧k, am̧ ikdelel enaaj eddōk, im enaaj em̧m̧anļo̧k am̧ ļoor Jetōb eo. Ilo kakobaba, eaar ļapļo̧k aō kōjatdikdik kōn jerbal in mijenede im jerbal in mijenede eo aō ke iaar maron̄ kile im kam̧oolol kōn kabwilōn̄lōn̄ ko me raar waļo̧k aolep raan.
Kam̧oolol ej Ubwaakeļo̧k Ebanban
Irooj eaar jino kwaļo̧k n̄an eō bwe Eaar jerbali kabwilōn̄lōn̄ ko n̄an kōm kajjojo raan—bōtaab iaar jab maron̄ kūli m̧ae iien eo iaar kōm̧m̧ane juon kijejeto jeļā kake n̄an erom m̧ool in kam̧oolol. Kwaļo̧k kam̧oolol eļapļo̧k jān baj juon iminene em̧m̧an ak m̧akūtkūt ko rem̧m̧an. Ke iaar kwaļo̧k kam̧oolol n̄an Irooj im ro jet, kar kōkajoor eō. Iaar lo aō make lem̧ōņōņō kōn mijenede ro jet n̄e rej wājepedik ijello̧kin ebanban (lale Alma 29:14, 16). Eaar ļapļo̧k aō maron̄ kalimjōk wōt ta eo eaar wōr ippa im ta eo eaar jim̧we ijello̧kin ta eo eaar ejjeļo̧k ippa im ta eo eaar bōd.
Iaar katak bwe kam̧oolol ej joļo̧k keidi kōj make n̄an ro jet. Iien ko me iaar jab en̄jake āinwōt juon mijenede ewājepdik ekkā aer itok kōnke iaar jiron̄ eō make, “Ejjab em̧m̧an aō kōm̧m̧ane āinwōt er,” ak “Em̧m̧an ļo̧k aer kōm̧m̧ane menin jān n̄a.” Iaar barāinwōt katak bwe ej ilo jon̄an eo an Irooj n̄an letok n̄an kōj waanjon̄ak ko rejim̧we n̄an jokkuun wōt juon im ļoori, Satan ej kapok kōj n̄an keidi kōj make ippān ro jet n̄an jeļā aorōk eo ak wājepdik eo ad. Bōtaab Preach My Gospel ej alikkar ilo menin: “Joļo̧k keidi eok make n̄an mijenede ro jet im jon̄ake tōprak ko rej waļo̧k an kijejeto ko am̧ ņai ko aer.”3 Āliktata, kam̧oolol eaar jipan̄ eō joļo̧k utiej bōro im kar kakememej eō bwe Irooj ej bōk eddo in jerbal eo An. Iaar jab aikuj in ebanban kōnke mijedede ro m̧ōtta raar alikkar ke eļapļo̧k aer wājepdik.4
Jon̄ak eo Em̧ool an Wājepdik
M̧okta jān an wōr ippa oktak in ilo jekjek eo an, iaar kanooj kalimjōk wōt juon jekjek in kōjeram̧man ejeno̧lo̧k me iaar meļo̧klo̧k in kememej e wāween ko jet Irooj eaar uwaake jar ko am im kōjeram̧m̧an eo an jerbal in mijenede eo am. Āliktata, Irooj eaar jino kōjeram̧m̧an jerbal in mijenede eo ilo eria eo am ilo wāween ko raiboojoj im jab kōtmene kake. Kōm kar lo armej ro rem̧ōņōņō in bōk ennaan eo am, bōtaab iaar katak ilo iien eo n̄an jab jon̄e wājepdik eo aō kōn kālet ko an ro jet.
Būreejtōn Gordon B. Hinckley (1910–2008) eaar kwaļo̧k juon kapilōk an juon mijen būreejtōn kōn jerbal in mijenede: “Kōm̧m̧ane ijo em̧m̧m̧an tata am̧, ijo lukkuun, lukkuun in em̧m̧an tata. Kōm̧m̧ani jar ko am̧ im buuļ jerbal im door m̧adm̧ōd eo n̄an Irooj.”5 Preach My Gospel ej katakin juon men ainļo̧k wōt kōn mijenede ro rewājepdik: “Kōm̧m̧ane ijo elukkuun em̧m̧an tata n̄an bōktok jetōb ko n̄an Kraist, im kanooj pukōt n̄an katak im eddōkļo̧k.”6
Toon wōt aō m̧ōņōņō n̄an ukweļo̧k, toon wōt aō maron̄ kar m̧ool in jerbal n̄an Irooj bwe iaar kōm̧m̧ane ijo em̧m̧an tata aō, imaron̄ kar en̄jake lōke eo bwe iaar juon mijenede ewājepdik—jekdo̧o̧n n̄e armej ro raar bōk ennaan eo am. Ilo elōn̄ wāween ko, jon̄ak eo an wājepdik eo aō āinwōt juon mijenede emaron̄ kar kwaļo̧k jān m̧ōņōņō eo aō n̄an ukweļo̧k im kije eo aō n̄an jerbal wōt.
Elōn̄ aō menin kabwilōn̄lōn̄ ko kar ļo̧o̧ki ilo jōnōļ eo aō jān tōre in mijen eo aō. Ilo aō kar kajieon̄ ļapļo̧k aō tiljek im kam̧oolol, eaar em̧m̧anļo̧k erreim̧aanļo̧k eo aō, iaar joļo̧k ebbwer, im eaar ļapļo̧k aō en̄jake Jetōb eo ilo jerbal eo. Iaar lo bwe ta eo Preach My Gospel ej katakin ej m̧ool: “N̄e kwoj kōm̧m̧ane ijo elukkuun em̧m̧an tata ippam̧, kwoj maron̄ wōt ioon inepata, bōtaab kwoj jamin inepata ippam̧ make. Komaron̄ en̄jake m̧ool eo bwe Irooj ej m̧ōņōņō n̄e kwoj en̄ajke Jetōb eo ej jerbal ilo kwe.”7 Im ke iaar en̄jake Irooj eaar m̧ōņōņō ippa, imaron̄ niknik ilo jabdewōt mālijon̄.
Ilo elōn̄ wāween ko, jon̄ok eo an wājepdik eo aō āinwōt juon mijenede emaron̄ kar kwaļo̧k jān m̧ōņōņō eo aō n̄an ukweļo̧k im kije eo aō n̄an jerbal wōt.
Pija ko kōmeļeļeik jen Del Benson