Ipeļaakin Kabun̄ in
Mongolia ej Kemem e 20 Iiō ko an Kabun̄ in
Ilo M̧ande, Eprōļ 15, 2013, elōn̄ļo̧k jān 300 membōr ro an Kabun̄ in raar koba ilo Zaisan Hill ilo Ulaabataar, Mogolia, n̄an kakememej 20 iiō rūtto in Kabun̄ in ilo laļ eņ. Juon kumi in al 50 uwaan eaar al, im juon kumi kar ron̄jake juon teep an Elder Neal A. Maxwell (1926–2004) ke eaar aje Mongolia n̄an kwaļo̧k ko̧jpeļ eo ilo 1993.
Elder Tai Kwok Yuen, kar juon membōr in Asia Eria Būreejtōnji eo eo eaar ilo̧k ippān Elder Maxwell n̄an Mongolia ilo 1993 eo, eaar lo ekōjkan “an pein Irooj kar jab bōjrak an em̧m̧akūt ilo m̧ōttan eo an meļaaj eo An.”
Elōn̄ kain m̧akūtkūt ko kar kōm̧m̧an aolepān wiik eo n̄an kōkaļļeik iien kememe eo. Juon iien koba an mijen kar aiintok 200 mijenede ro raar ro̧o̧l. Elōn̄ļo̧k jān 1,000 armej in Mongolia raar jerbal āinwōt mijenede ro rej jerbal aolep raan—enan̄in 1 jān aolep 10 membōr ro ilo Mongolia. Iien peptaij ko raar kōm̧m̧an aolepān Mongolia ilo joten Bōļaide; 24 armej ro raar peptaij raan jab eo. Mary N. Cook, eo ej kab m̧o̧j ļo̧k kōtļo̧k jān būreejtōn eo eutiej an Doulul eo an Jiron̄ ro, eaar kōnono ilo juon iien nokon an Doulul eo an Jiron̄ ro, im juon iien kōpeļļo̧k an menmenbwij an baam̧ļe eo kōn juon pija me kōn naan in kōmeļeļe ko n̄an Family Tree būroojāāk eo ekāāl. Juon iien m̧akūtkūt in m̧anit eaar kwaļo̧k em̧m̧an eo an m̧anit in Mongolia im tōļan ko an elōn̄ membōr ro an Kabun̄ in.
Armej ro Rekwojarjar ilo Raan-ko Āliktata ilo Haiti rej Kememe e Anniversary eo, Help Plant Trees
Ilo Māe 1, 2013, membōr ro an Kabun̄ in ilo Haiti rej bōk kuņaer ilo juon būroojāāk in kallib wōjke eļap, aolepān laļ en. Eļōn̄ wōjke jiddik ko raar ekkat ilo raan eo kein kajuon an būroojāak eo, im ebar lōn̄ ko jet rej itok wōt. N̄e būroojāāk eo ej dedeļo̧k, jet 400,000 wōjkā ko rekāāl renaaj eddōk ilo Haiti, ekoba lemon, Oran, ni, keinabu, im oak.
Kabun̄ in eaar waiki wōjke ko ejja m̧ōttan wōt jipan̄ eo an m̧akūtkūt in laļ eo ilo Haiti. Būroojāāk eo kar barāinwōt leļo̧k n̄an membōr ro juon būroojāāk n̄an kememe e 30th anniversary an Kabun̄ in ilo aelōn̄ in. Jiln̄uul iiō ko rem̧ootļo̧k Būreejtōn Thomas S. Monson, ilo tōre eo ej juon membōr in Doulul eo an Jon̄oulruo Rijilōk ro, eaar loļo̧k Haiti im kar aje āne eo n̄an kwaļo̧k ko̧jpeļ eo kar kōjepļaaktok.
Elder Neil L. Andersen jen Doulul eo an Jon̄oulruo Rijilōk ro eaar pād ilo Haiti ilo tōre eo an anniversary kememe eo im kar tōl ilo kwaļo̧k kautiej eo an kōkaļļe eo me ej kōkaļļeik ijjino ko an Kabun̄ in ilo Haiti.
Kabun̄ in ej Leļo̧k Juon Milien Baun in M̧ōn̄ā ko n̄an Feeding America
Ilo Māe 2013 Kabun̄ in, kōn m̧ōttan jipan̄ ko an Armej ro Rekwojarjar ilo Raan-ko Āliktata, kar leļo̧k elōn̄ļo̧k jān juon milien baun in m̧ōn̄ā ko n̄an Feeding America, juon doulul nonprofit n̄an najdik rikwōle ilo United States. Menin leļo̧k ko eaar koba m̧ōn̄ā ko ilo kuwaat āinwōt leen wōjke ko, pijetebōļ ko, im biin ko, ko renaaj kar ajije n̄an baam̧le ko raikuj jān elōn̄ joko ko an jukjukinpād im im̧ōņ kone ko aolepān United States.
Bob Aiken, būreejtōn eo im chief executive opija eo an Feeding America, eaar ba kōn menin leļo̧k ko enaaj kar jipan̄ elōn̄ ļo̧k jān 625,000 m̧ōn̄ā ko.
Rieeb ro kōn deel ko kar ejaake nōm̧ba eo “20” ilo iien ikkure eo kar kōm̧m̧ane n̄an kememej 20th anniversary eo an Kabun̄ in ilo Mongolia.
Pija kōn jipan̄ an Mongolia Ulaanbaatar Mijen
Mijenede ro im membōr ro ilo Haiti rej ekkat wōjke ioon toļ ko routiej ilo jikin kweilo̧k eo an Port au Prince, eo maron̄ loe ilo pija in.
Pija jen Jason Swensen