Tikōn eo Ekāāl
Irooj eaar ba aolep ro rej bōk priesthood eo rej bōk E (lale D&C 84:35).
Leto letak kwojkwoj eo ej juon eddo eļap. Ñe ebōd an kōm̧m̧ane?
Benji eaar jutak im̧aan juon kūlaj, kajim̧we tie eo an. Jōōt mouj eo raarw an im jedo̧jij būļu eddo eo an jon̄an wōt e. Koļan bōran kar kuum̧i. Eaar lukkuun pojak n̄an kapiti n̄an juon tikōn. Kōn menin eteke eaar en̄jake an lukkun ikūm̧kūm?
Benji eaar būk jeje ko rekwojarjar an im ilo̧k jān ruum̧ eo. Eaar kajieon̄ in jab ļōmņake an naj oktak jabdewōt ilo m̧ōn jar eo rainin. Innām eaar wōr juon jerbal ekāāl an priesthood me eaar kainepataik e jabdwōt iien eaar ļōmņak kake: Leto-letak kwojkwoj eo Ñe ekōm̧m̧ane bōd eo an kein kajuon ilo wiik eo tok juon? Eaar bareinwōt kajieon̄ meļo̧kļo̧k men in ilo an kar iļo̧k jān m̧weo.
Kweilo̧k in kwojkwoj eaar āinwōt iien otemjej. Bōtaab ālkin wōt, Benji eaar etetal ippān baam̧le eo an n̄an opiij eo an Bisop Salazar. Menin eaar lukkuun in oktak. Ekkā an kijon̄ pād ilo iien kōpeļļo̧k ko an Būraimere kiiō.
Benji eaar jijet ilo an Jemen, bisop eo, būreejtōn eo an Doulul eo an Likao ro, im rikakpilōklōk ro ilo bisoprik eo likūt peier ioon bōran. Baba eaar leļo̧k n̄an e Aaronic Priesthood eo. Ilo iien kōjeram̧m̧an eo, Benji ear jako an ikūm̧kūm̧. Eaar ineem̧m̧an im m̧ōņōņō.
Benji eaar jutak im idik pein aolep. Innām eaar atbakwoj Jinen im ļaddik eo jatin, Jay, im leddik eo jatin, Mirasol.
Ālkin wōt, eaar ilo̧k n̄an Jabōt Jikuuļ. Men̄e kūlaj ko rekāāl raar jab āinwōt ilo Būraimere, en̄jake eo eaar ejjeļo̧k oktak. Katak eo eaar kōn jar. Eaar lōn̄ an katak ko kōn jar m̧okta ilo Būraimere. Benji eaar joļo̧k kituōn eddodo. Bōlen erom juon tikōn ejjab kanooj pen.
“Enaaj em̧m̧an,” Jay eaar jiron̄ Benji ālkin jar. “Inaaj kōjeram̧m̧an kwojkwoj eo,im komaron̄ leto letak.”
Aolep en̄jake in ikūm̧kūm̧ ko raar bar jeblak. “Aaet, em̧m̧an.” eaar ba ilo jidik wōt ainikien. Leto letak kwojkwoj eo eaar ta eo Benji eaar kanooj in inepata kake!
Tokālik bon̄ōn eo Benji eaar lo an Jemen riit ioon kauj eo. “Ak ñe ilikjab jen aō leļo̧k n̄an juon im rejab bōk kwojkwoj eo?” eaar kajjitōk. “Ak n̄e itibbo̧k?” Eaar alikkar an loe āinwōt raan ilo an ļōmņake, tōre eo eaar ejepelōklōk ilo būļoor eo im kab ko raar kāto kātak aolep jikin.
Jemān eaar keeņ aeran Benji. “Ij keememej jinoin aō kar ajjej e kwojkwoj eo. Eaar bōlen lapļo̧k aō ikūm̧kūm jān kwe kiiō.”
Benji eaar nukij mejān ilo bwilōn̄. “Kwe? Ejjeļo̧k men en kwoj mijake!”
Jema eaar ettōn̄. “Elōn̄ alen aō mijak. Kwojeļā ke ta eo eaar jipan̄ eō joļo̧k ikūm̧kūm̧?”
Benji eaar ļōmņak jidik. “Jar?”
Jema eaar medikdik. “Ejim̧we. Jar. Im baba eaar letok n̄an eō juon kōjeram̧m̧an. Kwoj kōņaan ke bwe in lewaj juon n̄an eok?”
Benji eaar m̧ōkaj an m̧ōm̧ajidjid. “Aaet! Eļap aō kōņaan.”
Baam̧le eo eaar kooktok ilowan ettōņaak eo. Jemen eaar door pā ko pein ioon bōran Benji Ke Jemen eaar kōnono, Benji eaar en̄jake an dān in kōmejaaļaļ jino ejaak. “Keememej,” Jemen eaar ba ilo kōjeram̧m̧an eo, “kwar bōk priesthood eo kōn juon kain̄i ekwojarjar. Jemedwōj Ilan̄ eaar letok n̄an kōj priesthood eo bwe jān maron̄ jerbal n̄an ro jet. Eļan̄n̄e komaron̄ kōm̧m̧ane menin kōn aolepen buruōm, kwonaaj jeram̧m̧an ilo menin im ilo aolep men ko.”
Aolepen wiik eo Benji eaar jar kōn jipan̄. Ilo Jabōt eo ej itok, eaar kobalok ippān tikōn ro ilo im̧aan jikin jar eo. Eaar kanooj ron̄jake ilo an Jay kar kōjeram̧m̧an pilawā eo.
Ilo jidimkij ear en̄jake inepata bar juon alen. Emaron̄ ke lukkuun kōm̧m̧ane menin? Eaar kanooj in aorōk! Innām eaar keememej kallim̧ur ko jān kōjeram̧m̧an eo an Jemen. Inepata ko an raar ilo̧k ilo an Jetōb eo juktok ioon.
Eaar bōk tōre eo im em̧m̧akūt ilo ejeļo̧k bere n̄an jea ko kar karōki ņane. Eaar kam̧anm̧an, an leļo̧k tōre eo n̄an juon kōrā ilo jea ko im̧aan tata.
Liin eaar ettōn̄ n̄an e. Benji eaar bar ettōn̄ļo̧k n̄an e, ilo an jeļā bwe ej jerbal n̄an Irooj.
Kōmeļeļe jen Adam Koford