Peij eo Ad

Jinō im jema raar katakin eō kōn ko̧jpeļ im kar waanjon̄ak em̧m̧an n̄an iō jān ke iaar dik. Iaar katak riiti bwebwenato jān jeje ko rekwojarjar n̄an ajri ro, im kiiō ij io̧kwe Bok in Mormon. Ij riiti aolep raan, make iaō im ippān baam̧le eo aō. Ammon ej armej eo em̧m̧antata ippa ilo Bok in Mormon. Ekar juon mijenede eļap, eo ej ta eo ikōņaan erom n̄e irūtto.

Esteban M., iiō 8, Colombia

Ke baam̧le eo aō rekar kakkūje ilo Panama, aelōn̄ eo an jinō, ro jinō im jema raar bōk ledik eo jatū edik,Yhoalibeth, im n̄a n̄an lo̧ļo̧k Panama City Panama Temple. Jinōm eaar bōk kōm n̄an jibwe kiin tampeļ eo. Tokālik, ke ij ba n̄an jinō jon̄an m̧ōņōņō eo ikar en̄jake ke kōm kar pād ilo tampeļ eo, eaar jiron̄ eō bwe ikar en̄jake Jetōb Kwojarjar.

Sergio B. Jr., iiō 7, Florida, USA

Pasha Z., iiō 9, Ukraine

Ke Letícia C., dettan 6, ekar 3 iiō dettan, Curitiba Brazil Temple ekar dedeļo̧k. Em̧m̧an ippān etaļ n̄an tampeļ, im pād ijeņ aolep raan ilo wiik eo āliktata in kaloojoj. Ej io̧kwe wōt lo̧ļo̧k tampeļ eo im etetal ilo jikin kallib eo eaiboojoj. Letícia ebarāinwōt io̧kwe jin̄a im aō.

Būraimere: Ļoore Jisōs

Maurizio D.,11 dettan, Italy, io̧kwe kwelo̧k in kwojkwoj eo kōnke ej katak kōn Jemedwōj Ilan̄ im Jisōs Kraist. Ekōņaan etaļ n̄an im̧ōn jar kōnke ekaitoktok limo im kam̧ōņōņō im lukkuun aiboojoj. E ej m̧ōņōņō ilo im̧ōn Jar eo im elōn̄ m̧ōttan.

Ke kōm kar kōppopo n̄an aje bwidrej eo n̄an kalōk Tijuana Mexico Temple, kōm kar lukkuun m̧ōņōņō. Kōmij etal āinwōt juon baam̧le n̄an leļo̧k jerbal in jipan̄. Kōm kar karreoik meļan tampeļ eo. Ijeļā bwe Irooj enaaj lotok m̧weo Im̧ōn n̄e enaaj dedeļo̧k.

Jesus S., iiō 6, Mexico

Ekkatak jeje ko rekwojarjar ejipan̄ eō kālet jim̧we.

“Gold Plate ko,”jān P. Tuyêt Hoa, 10 dettan, Cambodia

Ij kālōt jim̧we eo n̄e ij ļoor Jemedwōj Ilan̄ im Jisōs Kraist.

N. Thi LinĐa, iiō 8, Cambodia

Ijo em̧m̧antata ippa ilo Bok im Mormon ej bwebwenato eo an Nipai im tūreep eo ear kijoo̧n lomalo eo.

Kelly C., iiō 10, Philippines

Jej aikuj liāp ilo tampeļ bwe jen maron̄ mour āinwōt juon baam̧le indeeo.

Shanna C., iiō 8, Philippines

Im̧ōņōņō in etal n̄an im̧ōn jar ippān baam̧le eo aō im ekkatak kōn Jisōs Kraist. Ilo m̧weo em̧m̧an ippa riit im ekkatak bwebwenato ko ilo jeje ko rekwojarjar, al kōn al ko, im ikkure ilo iien nokōn in jota an baam̧le. Ko̧jpeļ eo ej kōjeram̧m̧an baam̧le eo aō im kōm̧m̧an bwe in m̧ōņōņō. Ededeļok aō leļo̧k juon Bok in Mormon n̄an jilu iaan rūkaki ro aō ilo jikuuļ im n̄an eo m̧ōtta emake, Miguel. Al eo an Būraimere em̧m̧an ippa ej “We’ll Bring the World His Truth” (Children’s Songbook, 172).

Martim P., iiō 6, Portugal

Henrique S., iiō 7, Brazil