M̧ae iien Jenaaj Bar Ioon Doon
Ij kajje …
Kajje ej m̧ool ilo naan ko aō en penin wōt kooļ aittok ilo bōran kidu
Reitok in turin mejān jinō ekar kabūrom̧ōj eō. Bwilōn̄. Kolōkabin. Ļōkatip. Aolep kar kobrak mejān juon ilo̧k juon innām waļo̧k n̄an erom juon en̄jake—etao.
Ijjeļo̧kin katak ko an n̄an eō ium̧win 15 iiō ko n̄an kautiej Jemedwōj Ilan̄ ilo naan im kōm̧m̧an, ijo iaar jutak wōt, kile bwōd eo aō n̄an kōtļo̧k juon naan nana bwe en wōtlo̧k jān ļo̧n̄iū.
Iaar jab tōn kajje. M̧okta ilo iiō eo, ijjan̄in kar kōjerbal naan kajjōjō. Bōtaab ilo jōm̧ar eo ikar jerbal n̄an Utah’s Fish and Game Department im bōk imminene eo jān ļadik ro jet rej jerbal ippa.
Jerbal eo am ekar jōki mar ko raittok jān iaļleplep eo. Em̧ōkaj am ļōmņak bwe Arctium minus ej juon mar nana. Elōn̄ uwaan n̄e ej eddōk aolep jikin, im ej m̧an menin eddōk ko jet. Ej eddāp n̄an jabdewōt men epaake.
Jabōļ ko ilo peim, kōm kar tariņaik men in enana aolepān jōm̧ar eo m̧ae iien lukkuun mōk—im ewaļo̧k naan nana. Ilo jinoin ikar lo bwe naan ko an rein m̧ōtta rekar jab em̧m̧an. Innām iaar m̧ōk kaki. Āliktata, iaar imminene kaki. Jem̧ļo̧kin jōm̧ar eo, kōnājnej ekar eddāp ilo naan ko aō pen āinwōt kool aittok ilo bōran juon kidu.
Ļōmņak eo an jinō kōn rōļo̧k in loō, kōn menin, ebar kōketak eō bwe ij aikuj oktak.
Ekar jab pidodo. Kōnājnej ejjab baj juon jokālōt in naan ko rem̧m̧an. Bōtaab ej barāinwōt juon jōkjōk in kōļmānļo̧kjeņ. Bwebwenato ko jej kōtļo̧k aer deļo̧n̄ ilo mour ko ad, naan ko jej riiti, im annan̄ ko jej kalimjōki rej ļame kōļmānļo̧kjeņ ko ad. Tokālik, iaar katak bwe In aikuj ukōt ta eo ikar karuwaineneiktok n̄an bōklōkōt e aō eļan̄n̄e ij kōņaan jāniji naan ko ij kōjerbali.
Kam̧m̧oolol, iaar niknik jar im pād ilo kilaaj in jemenere. Kajje ej kadiwōjļo̧k kājōkļo̧kjeņ ko rem̧m̧an, ak pād ijo iaar jerwaan e kājōkļo̧kjeņ ko rejim̧we ekōm̧m̧an bwe ren bar juon alen kajoor n̄an jerbal. Iaar ļōmņak wōt in riiti jeje ko rekwojarjar aolep raan im jar. Iaar jab bar aluuji pija ko im būrokraam ko me rej bar kadeļo̧n̄ tok kōļmānļo̧kjeņ ko rejōkkar.
Jidik kōn jidik iaar lo wāween aō kōnono em̧m̧anļo̧k. Ilo jem̧ļo̧kin iiō eo, iaar anemkwōj jān imminene in kajje.
Jān kamminene in, em̧ōj aō ekkatak elōn̄ men ko kōn kajoor an naan ko. Naan ko remaron̄ ejaake ak kakkure. Remaron̄ kōmettak, ak remaron̄ kemour. Remaron̄ kajook armej, ak remaron̄ katōk ine ko an kōjatdikdik im io̧kwe.
Ij lo an kaitoktok limo bwe Rilo̧mo̧o̧r Make, rikōm̧anm̧an an lan̄ im laļ, ej kaiookļo̧k n̄an āinwōt Naan eo (lale Jon 1:1–4; D&C 93:6–11).
Em̧ōj aō katak im jeļā bwe kōnājnej ewōr an meļeļein eo em̧m̧an im barāinwōt eo enana. Jej kajje n̄an kam̧ool ilo jikin ekajet eo an kien. Jej kallim̧ur, ak kajje, n̄an kōjparok kien ko an Anij n̄e jej peptaij. Āinļo̧k wōt, jej kōm̧m̧ani kallim̧ur ko rekwojarjar n̄an kōjparok bujen ko ad ilo tampeļ n̄an ad maron̄ bōk kōjeram̧m̧an ko reļļap an Jemedwōj Ilan̄.
Ilo kōjem̧ļo̧ke: Ej ļapļo̧k ad erom āinwōt Naan eo eļan̄n̄e naan ko ad rej kautiej E im romaak ilo An aiboojoj.
Pija jen Anna Laurent