Tohi ki he ʻĒtitá

Fafanga ʻaki e Folofolá

ʻOku langaki moʻui ʻaupito e fanongo ki he ngaahi pulusinga ʻo e Liahoná kiate au. Kuó u vahevahe hono download ko ia ʻo e ongó mo ha mēmipa ʻoku palopalema ʻene sió, ko e taha ko ha fakaʻuli fakapalofesinale, pea mo ha kaungāmeʻa kehe ʻoku faingataʻa ke nau laukonga.

ʻOku ou lolotonga toʻo ha kalasi ki ha mataʻitohi māʻolunga ange (post-graduate) ʻa ia ʻoku mamaʻo ʻaki ha kilomita ʻe 200 mei hoku ʻapí, pea ʻoku hoko ʻeku fanongo ki he makasiní ke vave mo fakafiefia ange ʻa e heka pasí. ʻI he taimi naʻá ku fanongo ai ki he pulusinga ko ia ʻo e konifelenisi lahí, ne hangē pē ne u moʻui ʻi he kuonga ʻo Sēkopé, ʻo “fafangaʻi ʻaki … ʻa e folofola lelei ʻa e ʻOtuá ʻi hono kotoa ʻo e ʻahó” (Sēkope 6:7).

Falanisisikou Falavio Tiasi Kaneilo, Palāsila

Ueʻi Fakalaumālie, Poupouʻi, pea Fakamālohia

ʻOku ou saiʻia he Liahoná! ʻokú ne ueʻi fakalaumālie au pea poupouʻi au ke u nofo maʻu ʻi he hala totonú. ʻOkú ne tokoniʻi foki au ʻi hoku fatongia ʻi he Kau Talavoú. ʻI he taimi ʻoku ou faingataʻaʻia mo loto mamahi aí, ʻoku ou tafoki ki he Tohi ʻa Molomoná pea mo e Liahoná. ʻOkú na fakamālohia ʻa ʻeku fakamoʻoni ʻoku ʻofa mo tokanga mai ʻa e Tamai Hēvaní mo Sīsū Kalaisi kiate kitautolu takitaha.

Sēmisi ʻĒlone S. Pelesi, Sepū, Filipaini