Mālō e Lelei! Ko ʻEnikasini A. au.

mei Mongokōlia

Ko e hā ʻa e meʻa ʻokú ke manako ke fai fakataha mo ho fāmilí? ʻEnikasini A., taʻu 8, mei Mongokōliaʻokú ne manako ke ʻaʻahi takai holo he fonuá mo toli fuamelie mo e sitoloapeli vaó.

ʻOku ʻikai ke ʻi ai haʻaku kiʻi manu ke pusiakiʻi, ka ʻoku ou fie maʻu moʻoni haʻaku kiʻi kulī. ʻOku mau faʻa ʻaʻahi he taimi ʻe niʻihi ki he feituʻu ʻutá, pea ʻoku mau sio ai ki he fanga pulú, fanga sipí, fanga kāmelí, fanga hōsí, mo e fanga kosí. ʻOku ou manako ke faʻu ha tangata sinou ʻi he faʻahitaʻu momokó. Ko au ʻeni mo hoku tokouá mo homa kaumeʻa ʻi he Turtle Rock ʻi he Terelj National Park.

ʻOku ou fiefia he taimi ʻoku fakataha ai hoku fāmilí. ʻOku mau fiefia he fai ʻemau efiafi fakafāmili ʻi ʻapí mo ʻalu ki he lotú ʻi he uike kotoa pē. ʻOku mau lau foki e Tohi ʻa Molomoná, mo lotu fakataha ʻi he ʻaho kotoa pē. ʻOku tokoni ʻa e ngaahi meʻa ko ʻení ke ngaohi homau fāmilí ke nau mālohi maʻu pē.

ʻOku ou nofo mo ʻeku faʻeé, ʻeku tamaí, mo hoku ongo tokouá ʻi ʻUlanipatā, ʻa ia ko e kolomuʻa ia ʻo Mongokōlia. ʻOku nofo ha kakai ʻe toko taha miliona ʻi homau koló! ʻOku mau nofo ʻi he fungavaka 12 ʻo ha fale nofo totongi lahi.

ʻOku ou lau ʻi he tā ko ʻení ha talanoa ki hoku tokouá. ʻOku ou manako ʻaupito he lautohí! “Oku ou kalasi tolú. ʻOku ou saiʻia foki ʻi he fiká mo e tā fakatātaá. ʻOku ʻi ai ha tokotaha ʻi heʻeku kalasí ʻoku ʻikai ke Siasi, ka ʻoku ou akoʻi kiate ia e Lea ʻo e Potó mo tala ange ki ai ke inu huʻakau, kae tuku ʻa e kofí mo e tií. Naʻá ku akoʻi foki kiate ia ʻa e founga ʻo e lotu ki he Tamai Hēvaní, he ʻoku ʻikai te ne lava ʻe ia. Naʻá ku fakaafeʻi foki ia ki he efiafi fakafāmili ʻi homau ʻapí.

Ngaahi tā mei he fāmili Enikasiní; tā fakatātaaʻi ʻe Brad Teare