Gikan sa Kinabuhi ni Propeta Joseph Smith

Usa ka Manggihatagon nga Tawo

Gikuha gikan sa Mga Pagtulun-an sa mga Presidente sa Simbahan: Joseph Smith (Melchizedek Priesthood ug Relief Society nga tun-anan, 2007), 423–25.

Human mobalhin ngadto sa Nauvoo, Illinois, si Joseph ug Emma Smith mitukod sa Red Brick Store. Nagsilbi kining opisina ni Joseph ug ingon man negosyo sa pagsuporta sa iyang pamilya.

Magdala ako og 20 ka libra sa harina, Emma.

Nagkinahanglan ka pa ba og lain?

Si James bag-o lang mibalhin gikan sa England ngadto sa Nauvoo uban sa iyang igsoong babaye ug sa iyang bana, nga si Henry. Si James dili miyembro sa Simbahan.

Tibuok adlaw kitang nangita og trabaho, Henry. Morag dili gayud kita makakita og trabaho.

Mangayo kita og tabang sa Propeta.

Wala pa sukad si James makakita ni Joseph Smith o nahiduol kaniya kaniadto. Mibati siya og makapabayaw nga espiritu sa pagtan-aw lamang kaniya.

Tinuod gayud nga siya propeta sa Labing Halangdong Dios.

Mga igsoon, unsay akong ikatabang kaninyo karon?

Mr. Smith, aduna ka bay ipatrabaho?

Makahimo ba kamo og kanal.

Paninguhaon namo.

Gidala ni Joseph ang mga lalaki sa layo-layo gikan sa tindahan ug mipagawas sa metrosan.

Makahimo ba kamo og kanal tulo ka pye ang gilapdon ug duha ug tunga ka pye ang giladmon subay niini nga linya?

Sa dihang sila nahuman na sa kanal, ilang gitawag si Joseph aron sa pagsusi niini.

Dili unta kini nindot kon ako pa. Sunod kanako.

Gihatagan ni Joseph ang mga lalaki og duha sa iyang labing dako ug labing maayo nga mga piraso sa karne ug duha ka mga sako sa harina.

Sobra ra kaayo ni, Joseph.

Motrabaho pa mi og dugang alang niini.

Kon kamo natagbaw, ako natagbaw.

Tungod niini nga panagsugat sa kaayo sa Propeta ug tungod sa ubang mga kasinatian diin iyang gibati ang gahum ni Joseph nga gikan sa Dios, si James nakat-on sa ebanghelyo ug nabunyagan ug nakumpirmahan sa ulahing bahin nianang tuiga.

Mga paghulagway pinaagi ni Sal Velluto ug Eugenio Mattozzi