Ang Simbahan sa United Kingdom

Ang una nga mga misyonaryo gawas sa Estados Unidos gipadala ngadto sa England niadtong 1837, pagkahuman lamang sa pito ka mga tuig nga ang Simbahan natukod. Usa ka grupo sa pito ka mga misyonaryo ang miabot sa England niadtong Hulyo 19, 1837, nagsangyaw sa Preston, ug nagbunyag og 9 ka bag-o nga mga nakabig niadtong Hulyo 30. Pagkasunod semana, 41 pa ka dugang nga mga nakabig ang nabunyagan.

Tung-tunga sa 1837 ug 1900, moabot sa 100,000 ka daghan nga mga nakabig milalin aron sa pag-apil sa ulohan sa Simbahan sa Estados Unidos. Sa pagkatinuod, niadtong 1870 duol sa katunga sa populasyon sa Utah mga British nga mga langyaw. Niadtong mga 1950, ang gidaghanon sa mga miyembro sa United Kingdom (apil niini ang England, Scotland, Wales, ug Northern Ireland) midaghan samtang ang mga lider sa Simbahan miawhag sa mga miyembro nga magpabilin ug motukod sa Simbahan sa ilang yuta nga natawhan.

Niadtong 1958 usa ka templo ang gipahinungod sa London. Niadtong 1998 lain nga templo nga gipahinungod, sa Preston, and dapit sa unang pagsangyaw mga 170 na ka mga tuig ang nanglabay. Ang Preston mao ang labing daang nagpadayon nga branch sa Simbahan sa bisan asa nga dapit sa kalibutan, balik pa niadtong 1837.

Ania ang pipila ka mga kamatuoran kabahin sa Simbahan sa United Kingdom karon:

Mga Miyembro	181,756
Mga Misyon	7
Mga Templo	2
Mga Ward ug mga Branch	347
Mga Sentro sa Family History	120