Ang Mahangtorong Kaminyoon Mao ang usa ka Mahangtorong Panaw
Mga Kinutlo
Sa akong 74 ka tuig nga pangedaron, adunay pipila ra ka kasinatian diin halos tanang emosyon ug pagbati klaro kaayo sa akong panumdoman. Usa sa labing makatandog nga kasinatian mao ang higayon nga nagluhod ko sa altar atbang ni Kathy didto sa sulod sa balaang templo sa Dios. …
… Sama sa atong kaugalingong pagkadisipulo, ang atong mahangtorong kaminyoon dili usa ka temporaryo nga butang apan usa ka panaw, usa ka mahangtorong panaw nga mahimo unsa ang gusto sa Dios nga kita mahimo.
Sa kadaghanan sa kalibotan, ang pagsalig sa malungtarong kinaiya sa kaminyoon nagkakunhod. Sa ebanghelyo ni Jesukristo atong gipahayag nga ang “kaminyoon tali sa usa ka lalaki ug usa ka babaye gi-orden sa Dios.” Kita nagtuo sa mahangtorong kaminyoon, kita nagtudlo sa mahangtorong kaminyoon, ug kita nagtinguha og mahangtorong kaminyoon.
Atong gipaabot ang atong kaminyoon uban ang pagtuo ug pagsalig tungod kay kita mainampingong nangandam alang sa mga pakigsaad nga atong gihimo diha sa balay sa Ginoo.. …
Gikinahanglan gayod nato ang gasa sa Espiritu Santo sa atong personal nga kinabuhi ug sa atong kaminyoon. …
… Ibutang ang inyong paglaom diha sa usag usa ug diha ni Jesukristo. Ang Iyang mga saad makatabang nato nga mabuntog ang mga babag ug mga makabalda. …
Sa proseso sa pagdawat sa mga kalipay ug mga kasubo sa mga kasinatian sa kinabuhi, atong ikulit ang atong mga pakigsaad nga dili mapapas diha sa atong mga kalag, ug atong ipunting ang atong mga mata ngadto sa langit, padulong sa mahimayaong destinasyon nga naghulat nato. Nahibalo kita nga ang diosnong mga hiyas nga atong gipangita dili tanan maperpekto niining kinabuhia. Ang mahangtorong kaminyoon usa ka mahangtorong panaw.