Pauli Na
Mga Kinutlo
Human matawo ang among unang anak nga lalaki, naglisod mi ni Christine sa pagbaton og dugang pang mga anak. Nakakita mi og paglaom sa dibuho ni Minerva Teichert sa usa ka inahan nga pioneer nga misulod sa walog uban sa iyang gamay nga pamilya, nag-awhag sa uban nga mosunod kaniya. Sama nianang batan-on nga inahan, nangamuyo mi alang sa among umaabot nga mga anak nga magtapok uban sa among pamilya. …
Sa akong mga buluhaton sa hinapos sa semana isip usa ka General Authority, balik-balik kong nakasaksi og mga tawo nga nakakaplag sa dalan padulong sa ilang panimalay. Dili man kini kanunayng dali nga miabot, apan nahitabo kini—sa makadaghan. …
Ang pagbati nga kita walay labot, nakigbisog sa mga pagduhaduha, o nalimitahan tungod sa mga tradisyon maoy pipila lamang sa mga rason nganong dili dayon motubag sa tawag sa pagpauli. Apan bisan tuod ang mga pagpamugos sa katilingban nga magpahilayo sa mga tawo gikan sa pagtuo, ang lawom nga mga pangutana sa kinabuhi dili mawala. … Si Jesukristo lamang ang makahimo sa hingpit nga pagpahiuli niana nga kahayag ug kalipay sa imong kinabuhi. Kitang tanan naglisod. Gikinahanglan nato ang pailob, serbisyo, ug gugma gikan sa uban. Alang niadtong naningkamot sa pagtabang sa ilang mga minahal, hupti ang kamatuoran. Tumana ang inyong mga pakigsaad. … Alang niadtong naglisod sa pagpauli, hibaloi nga ang inyong Manluluwas mao ang nagtawag kaninyo nga mobalik. Sa kataposan, ang tanan kinahanglang mohimo sa ilang kaugalingong pagpili nga mopauli. …
Ako mosaksi nga si Kristo mao ang atong Manunubos. Kon kita masayop, Iyang ayohon ang mga guba sa atong kinabuhi. Ang Manluluwas nahigugma kanatong tanan ug malumong nanawagan kanimo ug kanako aron mopauli na.