Pagpangalagad—“Paghigugmaay Kamo; Ingon nga Ako Nahigugma Kaninyo”
Mga Kinutlo
Ang pagpangalagad pinaagi sa Espiritu nagdapit sa Manluluwas sa pag-ayo sa atong kinabuhi ug sa kinabuhi niadtong atong gipangalagaran. …
Ang pagpangalagad mao ang tinuoray nga paghigugma ug pag-atiman sa uban sama sa buhaton sa Manluluwas. Kini usa ka paagi sa pagkinabuhi; kini ang paagi sa atong Manluluwas nga si Jesukristo. …
Wala kita gitawag o gi-release gikan sa pagpangalagad. Kabahin kini sa pagtuman sa mga pakigsaad nga atong gihimo sa bunyag ug diha sa templo. …
Gipadala kita dinhi aron makat-on sa paghigugma sa Dios ug sa usag-usa sama sa gibuhat sa Manluluwas—sa paghigugma pinaagi sa sakripisyo ug sa mga pamaagi nga makabag-o, mga pamaagi nga modala sa atong labing dako nga kalipay. …
Ang pagpili nga mangalagad dili kanunay sayon o komportable. Nagkinahanglan kini og sakripisyo, hugot nga pagtuo, kaandam nga madutlan, ug pagsalig sa mga butang nga molampos ra kon atong tugotan nga ipatigbabaw ang Dios labaw sa tanan. …
Samtang kita mangalagad uban ang hugot nga pagtuo, dili kita mag-inusara. Ang Ginoo magauban kanato. …
Kon gusto ka nga mobati nga lig-on, makabaton og pagbati sa balaanong pagkahisakop, ug makahimo og tinuod nga kalainan sa kalibotan, gidapit ko ikaw sa pagsunod sa Manluluwas ug pagpangalagad sa Iyang ngalan. …
Wala limitahi sa Manluluwas ang Iyang pagpangalagad ngadto sa Iyang pamilya ug suod nga mga kauban. Siya nangalagad sa tanan ug nagdapit kanato sa pagbuhat sa ingon. …
Ako nagtuo nga gusto sa atong Amahan sa Langit nga magmalipayon kamo. Siya nahigugma kaninyo. Ang Iyang buhat, lakip na ang pagpangalagad, gidisenyo aron magdala kaninyo ug kanako sa labing dako nga kalipay nga atong masinati.
Ako mopamatuod nga ang pagpangalagad dili lang “magdala og mga panalangin sa langit,” mao kini ang dalan paingon sa langit.