Si Jesukristo Dili Atong Palas-anon; Siya Mao ang Atong Kahupayan
Mga Kinutlo
Minahal nga mga talagsaong batan-ong lalaki ug babaye: Samtang nagpadayon kamo sa inyong panaw gikan sa bunyag, ngadto sa inyong pagkaten-edyer ug ngadto sa pagkahamtong, mapasaligon nga mahimong tibuok kinabuhi nga mga disipulo ni Jesukristo, hibaloi nga ang mga bato nga makita sa dalan magsugod sa pagkadaghan sa inyong backpack—ang uban tungod sa inyong pagpili ug ang uban tungod sa natural nga sangpotanan sa inyong panaw niini nga kinabuhi. Samtang ang palas-anon nagkaanam og kabug-at, palihog hinumdomi nga ang pagpili nga dili na mosunod sa mga pagtulun-an ni Jesukristo sa inyong kinabuhi dili kana mao ang tubag. Ang dili pagsunod sa Iyang mga pagtulun-an dili kana makapagaan sa inyong palas-anon.
Ang kaaway sa kalipay gusto nga ipahimulag ka gikan ni Jesukristo. Tentalon niya kamo nga wad-on ang Manluluwas gikan sa inyong kinabuhi, modani kaninyo sa paghunahuna nga ang mga kasinatian atol sa mortal nga kinabuhi mas sayon kon wala Siya, nga ang Iyang mga sugo bug-at ra kaayo, nga ang dalan pabalik sobra kataas, nga ang paghinulsol lisod ra kaayo. Hibaloi kini: Si Satanas bakakon. Si Jesukristo dili mao ang palas-anon; Siya mao ang kahupayan. …
“Matag buntag sa inyong pagsugod sa inyong adlaw-adlaw nga paglakaw, palihog seguroha nga si Jesukristo magauban kaninyo. …
Ang pagpabilin ni Jesukristo uban kaninyo nagkinahanglan og tinuyo, adlaw-adlaw nga pagsimba. …
Ang pagpabilin uban Kaniya makapagaan sa inyong mga palas-anon. Ang paglakaw uban Kaniya naghulma sa imong kinaiya ug motabang kanimo nga mahimong sama Kaniya. Kini magdala kaninyo og tinuod ug walay kataposan nga hingpit nga kalipay. …
Si Jesukristo dili mao ang palas-anon; Siya mao ang atong kahupayan; Siya mao ang atong kusog; Siya mao ang dalan. Hinaot nga kitang tanan magalakaw uban Kaniya.