Labing Maayo nga mga Adlaw ug Labing Bati nga mga Adlaw
Mga Kinutlo
Pipila ka semana ang milabay nagsugod kami sa pagplano sa kasal sa among anak nga babaye. … Ug unya ang akong bana nga si Greg nakadawat og tawag sa telepono nga dili niya ikabaliwala. … Mibalik ang kanser ni Greg. …
Ingon niini ang mortalidad. Usa ka dapit sa pagsulay. Usa ka dapit nga gidisenyo alang sa pagtubo. Akong nakat-onan nga gitugot sa Dios nga ang mortalidad molihok diha kanato—ug kana naglakip sa labing maayo nga mga adlaw ug labing bati nga mga adlaw.
Unsaon nga atong malahutay kadtong mga adlawa? Ang istorya ni Pedro nagtudlo kanato nga ang kalig-on moabot samtang kita maglakaw uban ni Kristo ug mokupot gayod sa Iyang walay kataposang mga kamatuoran. …
Gikan sa istorya ni Pedro atong nakat-onan nga ang atong pagsabot sa mahangtorong kamatuoran dili mahitabo sa usa lang ka gutlo—ang pagpamatuod molambo sa paglabay sa panahon, matag adlaw, sa labing maayo ug sa labing bati nga mga adlaw. …
Usahay maghunahuna kita kon ang mga saad sa Ginoo tinuod ba nga matuman diha kanato—ilabi na kon ang tanan daw nawala na. Ilabi na sa atong labing bati nga mga adlaw.
Ang istorya ni Pedro nagpahinumdom kanato nga kini matuman. …
… Niadtong labing bati nga adlaw uban ni Greg pipila ka semana ang milabay, giablihan nako ang akong Alang sa Kalig-on sa mga Kabatan-onan nga giya, naghunahuna kon ang mahangtorong mga kamatuoran, mga pagdapit, ug gisaad nga mga panalangin gikan sa giya makatabang ba gayod ni Greg ug nako nga makakita og kalig-on diha kang Kristo. …
Samtang mogahin ka og panahon diha niini nga giya, imong masabtan nga dili lang kini usa ka giya alang sa mga sumbanan; kini usa ka giya alang sa kalig-on. …
Tungod Kaniya, bisan unsa pa ka lisod ang mga butang karon, ang imong labing maayong mga adlaw anaa sa unahan.
Si Jesukristo mao ang atong kalig-on.