Panapos nga Pakigpulong
Mga Kinutlo
Ang Espiritu sa Ginoo nagdasig kanatong tanan sa pagtumong sa atong pagsimba, pagtutok sa atong pagkat-on, ug paghiusa sa atong mga pagpamatuod diha sa mga pagtulun-an ni Ginoong Jesukristo ug sa plano sa Iyang Amahan alang sa atong mahangtoron nga pag-uswag ug kamaya.
Sa tinuoray, si Jesukristo mao ang dalan ngadto sa kalinaw niini nga kalibotan ug kinabuhing dayon sa kalibotan nga moabot. Siya hingpit nga nakaila ug nahigugma sa matag usa kanato ug nagdapit kanato sa paglakaw uban Kaniya, sa pagpakig-uban Kaniya, ug pagsunod sa Iyang ehemplo sa pagpangalagad sa uban sa tinagsa-tagsa diha sa kamanggiluluy-on ug gugma. Napahinumdoman kita sa importante nga tahas sa kaminyoon ug mga pamilya diha sa plano sa atong Langitnong Amahan alang sa mahangtoron nga padulngan sa Iyang mga anak. Hinaot nga atong mapakita ang putli nga gugma ni Kristo diha sa atong mga pamilya, sa atong mga komunidad, ug sa tanan natong pagpakig-uban sa mga anak sa Dios.
… Samtang atong hatagan og bili ug sundon ang mga pagtulun-an niini nga komperensiya, ang Ginoo magpadayon sa pagtudlo ug pagdasig kanato pinaagi sa personal nga pagpadayag ug giya.