Nagbuhat sa Iyang Buluhaton
Mga Kinutlo
Akong nasabtan nganong ang tanan nagserbisyo sa usag usa sa ward o branch: kini naghatag kanatong tanan og oportunidad sa pagsunod ni Kristo ug sa Iyang mga hiyas—sama sa gugmang putli, pagkamapainubsanon, kaaghop, pagpasaylo, ug gugma—uban sa mga tawo nga tingale lahi kaayo kanato. …
… Dili gyod importante asa kita moserbisyo, apan kon giunsa, kana ang importante sa Ginoo. …
Lisod ba usahay ang pagserbisyo sa usa ka calling nga adunay gihangyo kanato? Tingali kita laayon o magpanuko? Balik-balik nakong nakat-onan nga bisan unsa pa ang atong halad, sa ekonomiya sa Ginoo kita kanunayng mas makabintaha.. …
Ang atong pag-alagad usa ka pagpili, usa ka halad ngadto sa Dios, ug usa ka panalangin. Kitang tanan nasayod nga ang pag-ampo, pagtuon sa kasulatan, ug pagsimba sa simbahan ug sa templo importante kaayo sa pagpalambo sa atong pagtuo. Nakita ba usab nato ang atong mga calling nga adunay importanteng papel sa pagpalambo sa atong pagtuo? Ang mga calling gikan sa Ginoo gipahaom alang sa atong paglambo, samtang magmapahiubsanon kita, motan-aw sa uban, ug magkat-on niana, tinuod gyod, nga kon kita anaa sa pagserbisyo sa atong isig ka tawo, kita sa pagkatinuod anaa sa pagserbisyo sa atong Dios.. …
… Kita dili lang basta nagtuman sa usa ka buluhaton kon motubag kita sa usa ka dinasig nga tawag apan miapil sa Manluluwas sa kalibotan sa Iyang walay kinutoban nga matubsanong buhat. Siya nagkinahanglan kaninyo, ug Siya nagkinahanglan usab nako. Ang kinabuhi mas maayo—ang tanang butang mas maayo—kon kita nagbuhat sa Iyang buluhaton.