Nawala nga Bagahe, Natubos nga mga Kalag
Mga Kinutlo
Sa matinahorong paagi, naghunahuna ko unsay bation sa mahigugmaong Amahan sa Langit nga ipadala ang Iyang labing bililhong mga kabtangan, ang Iyang mga anak, palayo sa ilang langitnong panimalay, samtang nahibalo nga kinahanglan sila nga mosagubang sa mga hagit sa mortalidad. …
Mahimo ba nga mohatag ako og duha ka sitwasyon diin gibati nako nga ang Ginoo malipay kaayo niadtong nagpalambo sa ilang tahas isip mahunahunaon ug maayo og tumong nga mga tigdumala sa Iyang bililhong mga karga, ang Iyang mga anak?
Ang una anaa sa atong tahas isip gi-assign nga tigpangalagad nga mga brother ug sister—mga hamtong ug mga batan-on. …
Ikonsiderar ang inyong buluhaton sa pagpangalagad isip “Kristohanong pag-atiman” sa labing gimahal nga mga kabtangan sa Ginoo, kinsa sa kataposan sa ilang mortal nga panaw angkonon ug tubson Niya. …
Ang ikaduha mao ang kinatibuk-ang tahas sa pagpalig-on ug pag-amuma sa nagtubo nga henerasyon, sa pagpadako sa mga bata “diha sa kahayag ug kamatuoran.” …
Tudloi ang nagtubo nga henerasyon sa pag-ila, paghigugma, ug pagsundog sa ilang Manluluwas, si Jesukristo. Siya mao ang kalig-on sa kabatan-onan.
Motubag sila. …
Sa kataposan, kitang tanan usa ra ka pamilya.
Kitang tanan nanginahanglan og tabang sa pagpadayon.
Matag usa kanato adunay tag nga nagtimaan kanato isip anak sa usa ka mahigugmaong Langitnong Amahan. Giimprinta sa maong tag ang usa ka espirituhanong saad ug sagradong pamahayag nga nagpamatuod, “Kining bililhong kalag adunay dakong bili nga usa ka adlaw lukaton sa tag-iya niini,” dili gayod hikalimtan, pasagdan, o mawala.