Digital Lamang: Mga Tingog sa Kabatan-onan

Ang Dios Maoy Akong Giya

Litrato pinaagi ni Christina Smith

Sa milabayng semana akong gidapit ang akong higala sa pagsimba. Gihisgot niya ngari nako ang mahitungod sa mga simbahan nga iyang naadtoan ug sa unsang paagi siya naningkamot sa pagkaplag og usa ka simbahan nga kaadtoan ug magkat-on bahin sa Dios.

Kon wala ang Dios ug wala ang ebanghelyo, tingali mawala gayod ako sama niya, naningkamot sa pagpangita og usa ka simbahan ug gani naningkamot sa pagpangita og mga tubag sa pagsulbad sa akong mga problema, kay wala akoy giya sa akong kinabuhi. Ang akong nahibaloan mao nga kon walay akong giya, kon walay Dios, wala ako dinhi karon.

Ug ang pagkasayod nga nagauban kanimo ang Dios, bisan asa ka moadto, mao ang labing maayo nga butang nga maangkon ni bisan kinsa. Mao nga malingaw gyod ko sa pagpakigbahin sa ebanghelyo ngadto sa tanan sa akong palibot.

Nagatuo gayod ako nga bisan ang pagdapit lamang sa uban ngadto sa simbahan usa ka butang nga importante kaayo. Tingali maghunahuna ka nga dili sila modawat niini, apan usahay ang mga butang tingali mausab. Mosangpot kini sa pagkahimong mas maayo kaysa imong mahunahuna.

Amir T., edad 15, New York, USA