Mga Tingog sa Kabatan-onan

Gamay nga Apartment, Dako nga mga Plano

Paghulagway pinaagi ni Katelyn Budge

Ang akong pamilya nagpuyo sa usa ka dako nga balay kaniadto, apan ang tanan nausab sa dihang mibalhin kami sa Hanoi. Nagpuyo kami sa usa ka gamay kaayo nga apartment, mga 30 metro kwadrado. Ang pagpuyo sa usa ka gamay nga lugar kauban sa tulo pa ka laing tawo sa akong pamilya kay lisod.

Apan mapasalamaton ko nga ang Dios makatabang nga mahimo ang maayong mga butang nga maggikan sa bisan unsa nga sitwasyon. Atol nianang panahona, ako nahimong interpreter sa simbahan ug alang sa akong mga ginikanan. Makaampo ko kada adlaw, mangalagad ko sa sakramento, ug akong giabi-abi ang mga tawo nga nagsusi sa ebanghelyo. Nakahibalo ko nga ang Dios mipanalangin nako ug migiya nako aron mabuhat kadto nga mga butang.

Pinaagi sa mga hagit nianang panahona, ang akong hugot nga pagtuo nahimong mas lig-on sa matag adlaw. Daghang tawo ang wala makahibalo mahitungod sa ebanghelyo sa akong nasod, mao nga ako usa ka batan-on nga pioneer. Ako adunay tinguha nga mopakigbahin sa ebanghelyo ni Jesukristo ngadto sa mga tawo aron matabangan sila nga makabaton og malipayong kinabuhi sa kahangtoran kauban ni Jesukristo ug sa Langitnong Amahan.

Duy N., nag-edad og 14, Hanoi, Vietnam

Malingaw nga magserbisyo sa uban, magbasa sa mga kasulatan, ug magkat-on og lain pa nga mga pinulongan.