Usa ka Mas Dako nga Paghulagway

Nakadula na ba mo sa ngano nga dula? Ingon kini niini:

Nganong kinahanglan man ko nga moeskwela? Aron makakita ka og maayong trabaho. Nganong kinahanglan man ko nga makakita og maayong trabaho? Aron makaminyo ko ug magkaanak. Nganong mobuhat man ko niana? Aron ang imong mga anak makaeskwela.

Unya ang dula magsugod na usab. Morag walay kapuslanan kon walay mas dakong paghulagway. Mao kana ang gipanalangin kanato. Gitawag kini og plano sa kalipay, ug naghatag kini kanato og katuyoan ug kahulogan. Naghatag kini kanato og mga rason nga importante dinhi ug sa kahangtoran. Mao kana ang mahitungod nini nga isyu sa Alang sa Kalig-on sa mga Kabatan-onan nga magasin.

Sulod sa konteksto sa plano sa Langitnong Amahan—ug uban ni Jesukristo ug sa Iyang Pag-ula nga maoy sentro niini—inyong makita ang tinguha ug kalig-on sa pagpangandam alang sa umaabot. Ang inyong edukasyon, pagpanarbaho, pamilya, ug pagserbisyo sa Simbahan mahimong dako nga pagpangita kaysa usa ka bug-at nga palas-anon.

Makahimo kamo niini tungod kay si Jesukristo nagpaluyo kaninyo!

Inubanan sa gugma,

Bradley R. Wilcox

Unang Magtatambag sa Kinatibuk-ang Kapangulohan sa Young Men