Asa Ko Makakaplag og Paglaom Kon Usa sa Akong Minahal Mamatay?

Sa dihang namatay ang akong papa, ang butang nga nakatabang nako og maayo mao ang akong pagtuo kang Jesus. Sa wala pa ang akong pamilya magpasakop sa simbahan, Katoliko kami. Dili ko ganahan moadto sa simbahan, apan ang akong mama matinud-anon kaayo. Human sa kamatayon sa akong papa, nahinumdoman nako ang akong mama nga nag-ingon nga dili na siya ganahan nga motuo.

Ang akong mama adunay higala nga miyembro sa Ang Simbahan ni Jesukristo sa mga Santos sa Ulahing mga adlaw, ug gidala niya ang mga misyonaryo sa among panimalay. Kami adunay dungan nga mga leksiyon ug nagsugod sa pag-adto sa simbahan. Nagsugod ko nga mituo ni Jesus ug sa Dios ug ang akong pagtuo nagsugod sa paglambo. Bisan kon ang akong amahan namatay, duna koy pagtuo nga kami makakita niya pag-usab sa umaabot nga adlaw. Kami magkakuyog og puyo sa langit tungod ni Jesukristo.

Si Jesus kanunay nga anaa alang kanimo. Kon ikaw mobati og kaguol o kahingawa o ikaw adunay bati nga adlaw, ikaw makadangop Kaniya tungod kay Siya nahigugma kanimo. Siya makig-away alang kaninyo.

Simone C., edad 18, Vilnius, Lithuania

Malingaw nga magdula og water polo, volleyball, ug accordion.

Basaha ang istorya sa kaluha nga babaye ni Simone diha sa pahina 10 niini nga isyu.

Ang Gospel Living nga app adunay dugang nga mga istorya mahitungod sa pagsugakod sa pagkawala.