Digital Lamang: Mga Tingog sa Kabatan-onan

Ang Pagkamatay sa Akong Lolo Nakahagit sa Akong Pagtuo—ug Nagtabang Kanako sa Pagkaplag Niini

Litrato pinaagi ni Carolina Triana

Miundang ko sa pagsimba dihang namatay ang akong lolo. Ang iyang pagkamatay maoy usa sa labing lisod nga mga pagsulay nga sukad nahitabo kanako. Nianang panahona ingon og nagduhaduha ako sa Ginoo. Dili kaayo tin-aw ang mga butang alang nako; makaguol kadto nga panahon.

Paglabay sa pipila ka panahon, nakigsulti kanako ang akong tiya ug si mama. Akong naamgohan nga moabot ang panahon nga akong makita pag-usab ang akong lolo. Kini nga pagkaamgo usa ka hinay ug komplikado nga proseso. Ang pagkamatay sa akong lolo nakahagit sa akong pagtuo—ug nakatabang nako sa pagkaplag niini. Ang akong pagtuo kang Jesukristo nalig-on samtang akong gihunahuna ang mahitungod sa mga kamatuoran sa ebanghelyo ug mibalik sa pagsimba!

Ang pag-ampo nagdala og kahupayan. Sa kasagaran ingon og dili kita masayod unsay buhaton atol sa lisod nga panahon, kay tingali masakitan ang atong pagbati. Ang pag-abli sa atong kasingkasing ngadto sa Ginoo pinaagi sa pag-ampo magtugot kanato nga maproseso ang atong mga pagbati ug makaplagan ang kahupayan.

Alison M., edad 16, Bogotá, Colombia

Malingaw sa pag-drowing, pagsayaw, ug pagpakig-uban sa mga higala.