Mga Tingog sa Kabatan-onan
Salig sa Ginoo
Paghulagway pinaagi ni Katelyn Budge
Dihang ang sister nga mga misyonaryo unang mitudlo sa akong pamilya mahitungod sa plano sa kaluwasan human mamatay ang akong amahan, usahay mabalaka ko ug wala masayod kon ako mituo ba niini. Apan ang akong mga igsoong lalaki kalmado ug mitabang nako nga motuo ug dili maghunahuna pag-ayo sa tanan.
Usahay dili ko mobati nga lig-on kaayo sa Simbahan. Apan kon duna koy butang nga gikabalak-an o problema nga akong giatubang, kanunay kong mosulay sa paghunahuna og usa ka butang: Salig sa Ginoo. Siya mogiya kanako kon asa gayod ako.
Mao nga gusto nako nga magmisyon—aron mas masabtan Siya ug masabtan kon unsay gusto Niya nga akong buhaton. Kon makita nako ang mga misyonaryo ug ang espiritu nga anaa kanila, gusto ko nga mahisama kanila. Sila maayo nga mga ehemplo sa mga disipulo ni Jesukristo. Tungod sa ilang mga ehemplo, madasigon kaayo ko nga magmisyon human ko mogradwar sa high school. Gusto nakong ihatag ang kalipay ug kahibalo nga naa nako ngadto sa akong mga higala ug sa uban.
Dora C., edad 18, Vilnius, Lithuania
Malingaw sa water polo ug pagpatukar og violin.