Digital Lamang: Mokonektar

Candace J.

11, Buenos Aires, Argentina

Litrato pinaagi ni Christina Smith

Usa niana ka higayon, dunay usa ka babaye nga nagpakaon sa pipila ka gagmayng iring duol sa bilding sa akong simbahan, ug gidapit nako siya sa pag-adto sa komperensiya sa Simbahan. Wala siya moadto, apan ang pagdapit kaniya nakatabang kanako nga mobati sa gugma sa Dios ug sa Iyang Espiritu.

Mibati ko og labihang kalipay ug kamapasalamaton sa kahigayonan nga makadapit kaniya, ug mibati ko nga makahimo ra diay ko sa pagdapit og mga tawo sa kanunay. Bisan og ang mga tawo dili mohimo sa akong gilaoman, nasayod ko nga mobati ko og kalipay sa pagpaningkamot.

Ang tanan kinahanglan nga mogamit sa oportunidad sa pagpakigbahin sa ebanghelyo ug mobati sa kalipay nga akong gibati nianang adlawa.