Direkta sa Punto

Pagpanglimbong ba ang pagkopya gikan sa internet o artificial intelligence para sa buluhaton sa eskwelahan?

Ang mubong tubag kay oo.

Ang teknolohiya nagbutang og impormasyon nga literal nga maakses dayon. Kini usa ka maayo nga himan alang sa pagsiksik ug pagkat-on. Apan ang pangutana sa pagkopya gikan sa internet o artificial intelligence alang sa buluhaton sa eskwelahan gamay ra bahin kon unsa ka hamugaway. Mas mahitungod kini kon unsa gayod ang katuyoan sa imong pag-eskwela.

“Ang Langitnong Amahan gusto nga ang Iyang mga anak nga babaye ug mga anak nga lalaki kanunayng makakat-on. … Ang edukasyon … kabahin sa inyong mahangtoron nga tumong sa pagkahimong mas sama sa Langitnong Amahan” (Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022], 31). Kini nga matang sa edukasyon mahitungod sa pagpalambo sa imong hunahuna ug sa imong kahibalo. Dili kini mahitungod kon unsaon nimo nga makalikay sa pagbuhat sa trabaho aron matuman ang minimum nga mga kinahanglanon.

Ug sa pangutana sa pagpanglimbong: Kon ang imong eskwelahan o magtutudlo mosulti nimo nga dili mokopya sa internet o artificial intelligence, nan ayaw kini buhata. Kon ang imong magtutudlo mosangon nimo sa pagsulat og usa ka butang, nan isulat nimo kini. Kon dili ka segurado sa unsay gitugot sa bisan unsang gihatag nga mga buluhaton, pangutana sa imong magtutudlo.

“Ang pagpakabuhi nga may kaligdong nagpasabot nga kamo mohigugma sa kamatuoran sa tibuok ninyong kasingkasing—labaw pa kay sa kamo mohigugma sa … kasayon” (Alang sa Kalig-on sa mga Kabatan-onan: Usa ka Giya sa Paghimo og mga Pagpili, 31).