« យ៉ាកុប និងនីហ្វៃបានមើលឃើញព្រះយេស៊ូវ » ទស្សនាវដ្តី ប្រិយមិត្ត ខែ មីនា ២០២៤ ទំព័រ ២៦-២៧ ។
ដំណើររឿងក្នុងព្រះគម្ពីរ
យ៉ាកុប និងនីហ្វៃបានមើលឃើញព្រះយេស៊ូវ
រចនារូបភាពដោយអេនឌ្រូ ប៊ូស្លី
យ៉ាកុបជាប្អូនប្រុសរបស់នីហ្វៃ ។ គាត់បានកើតក្រោយពីគ្រួសាររបស់ពួកគេបានចាកចេញពីទីក្រុងយេរូសាឡិម ។ យ៉ាកុប បានមកដល់ដែនដីសន្យាកាលនៅក្មេង ។
យ៉ាកុប និងនីហ្វៃទាំងពីរនាក់បានមើលឃើញព្រះយេស៊ូវគ្រីស្ទ ។ ពួកគេបានចែកចាយទីបន្ទាល់របស់ពួកគេជាមួយក្រុមគ្រួសាររបស់ពួកគេដើម្បីជួយពួកគាត់ឲ្យរៀនអំពីព្រះយេស៊ូវ ។
ពួកគេក៏បានចែកចាយពាក្យសំដីរបស់ព្យាការីអេសាយផងដែរ ។ អេសាយក៏បានមើលឃើញព្រះយេស៊ូវ ហើយបានសរសេរអំពីទ្រង់នៅក្នុងព្រះគម្ពីរផងដែរ ។ យ៉ាកុប និងនីហ្វៃបានប្រើពាក្យរបស់អេសាយចេញពីព្រះគម្ពីរដើម្បីបង្រៀនក្រុមគ្រួសាររបស់ពួកគេអំពីព្រះយេស៊ូវ ។
ពួកគេបានបង្រៀនថាព្រះយេស៊ូវនឹងយាងមកកាន់ផែនដី ។ ទ្រង់នឹងសុគត ហើយមានព្រះជន្មរស់ឡើងវិញម្តងទៀត ។ ពួកគេបានចែកចាយទីបន្ទាល់របស់ពួកគេអំពីព្រះយេស៊ូវគ្រីស្ទ ដើម្បីឲ្យក្រុមគ្រួសាររបស់ពួកគេទន្ទឹងរង់ចាំការយាងមករបស់ទ្រង់ ។