1 Na mụ, Onye-nwe Chineke, wee kwuo okwu nye Moses, na-asị: Na ^aSetan, onye i nyeworo iwu n’aha Onye nke m Mụrụ Nanị ya, bụkwa onye ahụ nke dị site na ^bmmalite, ma ọ wee bịa n’iru m, na-asị—Lee, ebe a ka m nọ, ziga m, aga m abụ ọkpara gị, ma aga m agbapụta mmadụ nile, nke na otu mkpụrụ obi agaghị efu, ma n’ezie aga ^cm eme ya; ya mere nye m nnukwu ùgwù gị.

2 Mana, lee, ^aỌkpara m nke m Hụrụ n’Anya, nke m Hụworo n’Anya ma ^bHọrọwo site na mmalite, wee sị m—^cNna, ka e mee ^duche gị, ma ka ^eotuto ahụ bụrụ nke gị ruo mgbe nile.

3 Ya mere, n’ihi na Setan ^anupuru isi megide m, ma chọọ ka o bibie ^bohere nhọrọ nke mmadụ, nke mụ, Onye-nwe Chineke, nyeworo ya, nakwa, ka m nye ya ike nke m; site n’ike Onye nke M Mụrụ Nanị ya, m wee mee ka a ^cchụda ya;

4 Ma o wee ghọọ Setan, e, ọbụna ekwensu ahụ, nna nke ^aokwu ụgha nile, na-iduhie na ime ka ndị mmadụ kpuo isi, na-ịdọkpụrụ ha n’agha n’ọchịchọ obi ya, ọbụna ka ha ra bụ ndị na-agaghị an̄a ntị n’olu okwu m.

5 Na ugbụ a agwọ ahụ dị ^aaghụghọ karịa anụ ọhịa ọbụla nke mụ, Onye-nwe Chineke, meworo.

6 Ma Setan wee tinye ya n’ime obi agwọ ahụ, (n’ihi na-ọ dọ kpụrụwo ọtụtụ iso ya,) ma o wee chọọkwa ka ọ ghọgbuo ^aIv, n’ihi na ọ mataghị uche Chineke, ya mere, o wee chọọ ka o bibie ụwa.

7 O wee sị kwa nwanyị ahụ: E, ọ ga-abụ ezie na Chineke sịrị—Unu erila site n’osisi nile nke ^aubi ahụ a gbara ogige? (ma ọ na-ekwu site n’ọnụ nke agwọ ahụ.)

8 Na nwanyị ahụ wee sị agwọ ahụ: Anyị nwere ike iri site na mkpụrụ nke osisi nile nke ubi ahụ a gbara ogige;

9 Mana site na mkpụrụ nke osisi ahụ nke ị na-ahụ n’etiti ubi a gbara ogige, ka Chineke sịrị: Unu erila site na ya, unu emetụkwala ya aka, ka unu wee ghara inwụ anwụ.

10 Ma agwọ ahụ wee sị nwanyị ahụ: Unu agaghị anwụ anwụ n’ezie;

11 N’ihi na Chineke matara n’ụbọchị ahụ unu ga-eri site na ya, mgbe ahụ ka ^aanya nile unu ga-emeghe, na unu ga-adị ka chi nile ^bna-amata ezi ihe na ihe ọjọọ.

12 Na mgbe nwanyị ahụ hụrụ na osisi ahụ dị mma ihe oriri, na-agụ kwa agụụ ile anya, na bụrụ osisi a ^ana-achọsi ike ime ka o nwee amamihe, o wee were ụfọdụ mkpụrụ si na ya, na o wee ^brie, ma nyekwa di ya tinyere onwe ya, o wee rie kwa.

13 Ma e meghere anya nile nke ha abụọ, ma ha wee mara na ha ^agbaworị ọtọ. Ha wee dụkọta kwa akwụkwọ nile nke osisi fig wee meekwara onwe ha ihe okike.

14 Ma ha wee nụ olu-okwu nke Onye-nwe Chineke mgbe ha ^ana-ejegharị n’ime ubi ahụ a gbara ogige, n’ime ida jụụ nke ehihie ahụ; ma Adam na nwunye ya wee gaa izopụ onwe ha site n’iru nke Onye-nwe Chineke n’etiti osisi nile nke ubi ahụ a gbara ogige.

15 Na mụ, Onye-nwe Chineke, wee kpọọ Adam oku, ma sị ya: O lee ebe ị ^ana-aga?

16 Na o wee sị anụrụ m olu okwu gị n’ubi a gbara ogige, ma m wee tụọ egwu, n’ihi na ahụwo m na-agba m ọtọ, m wee zookwa onwe m.

17 Na mụ, Onye-nwe Chineke, wee sị Adam: Onye gwara gị na ị bụ onye gba ọtọ? I riwo site n’osisi ahụ nke m nyeworo gị iwu sị gị erila? Ọbụrụ otu a i ^aga-anwụ anwụ n’ezie?

18 Ma nwoke ahụ wee sị: Nwanyị ahụ nke i nyeworo m, nyekwa m iwu ka mụ na ya biri, ọbụ ya nyere m ụfọdụ mkpụrụ sitere n’osisi ahụ ma m wee rie ya.

19 Na mụ, Onye-nwe Chineke, wee sị nwanyị ahụ: Gịnị bụ ihe nke a nke i meworo? Ma nwanyị ahụ wee sị: Agwọ ahụ ^aghọgburu m, ma m wee rie.

20 Ma mụ, Onye-nwe Chineke, wee sị agwọ ahụ: N’ihi na i mewo nke a, i ga-abụ onye ^aabụrụ ọnụ karịa anụ ụlọ nile, na karịa anụ ọhịa ọbụla; n’elu afọ gị ka ị ga-eje ije, ma uzuzu ka ị ga-eri ụbọchị nile nke ndụ gị;

21 Ma aga m etinye iro n’etiti gị na nwanyị ahụ, n’etiti mkpụrụ gị na mkpụrụ ya; na mkpụrụ ya ga-etirụ gị arụ n’isi, ma ị ga etirụ ya arụ na ikiri ụkwụ.

22 Nye nwanyị ahụ, mụ, Onye-nwe Chineke, wee sị: Aga m eme ka ihe mgbu gị na-itụ ime gị baa ụba nke ukwu. N’ime ^aihe mgbu ka ị ga-amụ ụmụ, ma ọchịchọ gị ga-adị n’ebe di gị nọ, ya onwe ya gakwa achị gị.

23 Ma nye Adam, mụ, Onye-nwe Chineke, sịrị: N’ihi na I n̄awo ntị n’olu okwu nke nwunye gị, i riwokwa site na mkpụrụ nke osisi ahụ nke m nyeworo gị iwu, na-asị—Gị erila site na ya, ihe abụrụ ọnụ ka ala ga-abụ n’ihi gị; n’ihe mgbu ka i ga-eri ihe sitere na ya ụbọchị nile nke ndụ gị.

24 Ogwu nile na osisi ogwu ogwu nile ka o ga-ewepụtara gị, ma ị ga-eri ihe ọkụkụ nke ala ubi.

25 Site ^an’ọsụsọ nke iru gị ka ị ga-eri achịcha, tutu ruo mgbe ị ga-alaghachi n’ala—n’ihi na ị ga-anwụ anwụ n’ezie—n’ihi na site na ya ka e wepụtara gị: n’ihi na ^buzuzu ka ị bụ, ma n’uzuzu ka ị ga-alaghachi.

26 Ma Adam wee kpọọ aha nwunye ya Iv, n’ihi na ọbụ nne nke ndị nile dị ndụ; n’ihi otu a ka mụ, Onye-nwe Chineke, kpọwọrọ onye mbụ n’ime ndị nwanyị nile, ndị dị ^aọtụtụ.

27 Nye Adam nakwa nye nwunye ya, ka mụ, Onye-nwe Chineke, meere uwe mkpuchi nile site na akpụkpọ anụ, wee ^ayiwekwa ha uwe.

28 Na mụ, Onye-nwe Chineke, wee sị Onye m Mụrụ Nanị Ya: Lee, ^anwoke ahụ adịwo ka otu n’ime anyị ^bịmara ezi ihe na ihe ọjọọ: na ugbua ka ọ ghara isetịpụ aka ya ma were kwa site ^cn’osisi ahụ nke ndụ, ^driekwa ma dị ndụ ruo mgbe nile.

29 Ya mere, mụ, Onye-nwe Chineke, ga-ezipụ ya site na Ogige Ubi ^aIden, ị ga-akọ ala ahụ ebe e siri wepụta ya.

30 N’ihi dịka mụ, Onye-nwe Chineke, na-adị ndụ, ọbụna otu ahụ ka ^aokwu m nile enweghi ike iloghachi na-emezughị, n’ihi ka ha na-apụ site n’ọnụ m ha ga emezurịrị.

31 N’ihi ya m wee chụpụ mmadụ ahụ, ma m wee mee ka ^acherubim na ire-ọkụ nke mma agha nke na-echigharị ụzọ nile na-anọdụ n’akụkụ ọwụwa anyanwụ nke Ogige Ubi Iden idebe ụzọ nke osisi nke ndụ ahụ.

32 (Ma ndị a bụ okwu nile nke m kwuworo nye nwa odibo m Moses, ma ha bụ ezi-okwu obụna ka m chọrọ; ma ekwuwo m ha nye gị. Hụrụ na i gosịghị ha onye ọbụla, ruo mgbe m ga-enye gị iwu, e wezuga nye ndị ahụ nke kwere ekwe. Amen.)