1 Epi kounyeya, se te konsa, lè wa Benjamen te fin pale konsa avèk pèp li a, li te voye moun nan pami yo, pou chèche konnen si pèp li a te kwè pawòl li te pale yo a.

2 Epi yo tout te rele ansanm, yo te di: Wi, nou kwè tout pawòl ou te pale nou yo; epi tou, nou konnen reyèlman yo se verite, akoz Lespri Senyè Toupisan an, ki te opere yon gwo ^achanjman nan nou, oubyen nan kè nou, ki fè nou pa gen okenn dispozisyon pou nou fè ^bmal ankò, men okontrè pou nou kontinye fè byen nètalkole.

3 Epi nou menm, pou tèt pa nou tou, nan bonte sanfen Bondye a, ak manifestasyon Lespri li, nou gen gwo vizyon konsènan sa ki pral rive; e si li nesesè, nou ta kapab pwofetize tout bagay.

4 Epi se lafwa nou te genyen nan bagay wa nou an te pale nou an ki fè nou gen gwo konesans sa a, ki fè nou rejwi ak anpil lajwa.

5 Epi nou vle fè ^aalyans ak Bondye nou an pou nou fè volonte l, e pou nou obeyi kòmandman l yo nan tout bagay li ap kòmande nou, tout rès lavi nou, pou nou pa atire yon ^btouman ki p ap janm fini sou nou, jan ^czanj lan te di a, pou nou pa bwè nan tas kòlè Bondye a.

6 E kounyeya, se pawòl sa yo menm wa Benjamen te vle tande nan bouch yo; epi konsa, li te di yo: nou te pale pawòl m te vle tande yo; e alyans nou te fè a se yon alyans ki te jis.

7 Epi kounyeya, poutèt alyans nou te fè a, yo ap rele nou ^apitit Kris la, pitit gason ak pitit fi l; paske gade, jodi a li te ^bba nou nesans espirityèlman; paske nou di konsa ^ckè nou chanje pa mwayen lafwa nan non l; se poutèt sa li te ba nou ^dnesans e nou vin tounen ^epitit gason ak pitit fi l.

8 Epi avèk tit sa a nou vin gen ^alibète, e pa gen okenn lòt ^btit ki kapab ba nou libète. Pa gen okenn lòt ^cnon k ap pote sali a; se poutèt sa, m ta renmen pou nou ta ^dpran non Kris la sou nou, tout ki te fè alyans avèk Bondye pou nou kapab obeyisan jouk nan finisman lavi nou.

9 Epi, se pral konsa, nenpòt moun ki fè sa li ap gen plas bò kote dwat Bondye, paske l ap konnen non moun k ap rele l; paske yo ap rele l nan non Kris la.

10 Epi, kounyeya, se pral konsa, nenpòt moun ki pa pran non Kris la sou li, yo dwe rele l pa yon ^alòt non; se poutèt sa, li ap gen plas li bò ^bkote goch Bondye.

11 Epi m ta renmen pou nou ta sonje tou ke se ^anon sa a m te di m ta p ba nou an e ki p ap janm efase a, eksepte si se ta nan transgresyon; se poutèt sa, fè atansyon pou nou pa transgrese, pou non an pa efase nan kè nou.

12 M ap di nou, m ta renmen nou sonje pou nou toujou ^akenbe non an nan kè nou, pou nou kapab pa gen plas bò kote goch Bondye, men pou nou tande e pou nou konnen vwa k ap rele nou an e nan non yo pral rele nou an.

13 Paske, kòman yon nonm ap fè ^arekonèt yon mèt li pa sèvi, e ki se yon etranje pou li, e ki pa nan panse l ak desizyon kè l?

14 Epi ankò, èske yon moun ka ap pran yon bourik ki pou vwazen l epi, pou l kenbe l? M di nou Non; li p ap menm kite bourik la manje nan pami twoupo li, okontrè, l ap mete l deyò e l ap chase l. M ap di nou, se sa k ap pase nan pami nou si nou pa konnen nan ki non yo pral rele nou an.

15 Se poutèt sa, m ta renmen pou nou fèm, inebranlab, toujou fè bon zèv an abondans, pou Kris la, Senyè Bondye Toupisan an, kapab ^asele nou kòm moun pa l, pou nou kapab ale nan syèl la, pou nou kapab gen sali a pou tout tan ak lavi etènèl la, gras a sajès, ak pouvwa, ak jistis, ak mizèrikòd moun ki te ^bkreye tout bagay yo, nan syèl la ak sou tè a, ki se Bondye sou tèt tout bagay. Amèn.