Tsir 18
Alma kã nyamesɛm wɔ kokoa mu—Ɔdze enuma ahyɛmudzi no to gua na onuma binom wɔ Mormon esu mu—Ɔkyekyer Christ N’Asɔr na ɔhyɛ asɔfo—Wɔyɛ pampam suomu na wɔkyerɛkyerɛ nkorɔfo no—Alma na no nkorɔfo guan fi ɔhen Noah nsa kɔ sar no do. Bɛyɛ mfe 147–145 Ansaana wɔbɔwo Christ.
1 Na afei ɔbaa dɛ Alma a oguanee fii ɔhen Noah no nkowaa no nsa no, anuu noho wɔ no bɔn nye n’emumuyɛ ho, na okyinkyiin nkorɔfo no do nsumaamu, na ɔhyɛɛ ase dɛ ɔrekyerɛkyerɛ hɔn Abinadi ne nsɛm no—
2 Nyew, ɔfa dza ɔreba no ho, nye dza ɔfa ewufomusoɛr so ho, nye nkorɔfo no hɔn amponee a ɔnam Christ no btum, n’amandzehu, nye no wu, na no wusoɛr nye no sorkɔ do bɛba.
3 Na dodowara a wotsiee ne nsɛm no, ɔkyerɛkyerɛɛ hɔn. Na ɔkyerɛkyerɛɛ hɔn wɔ kokoa mu, amma ɔhen no anntse. Na dodowara gyee ne nsɛm no dzii.
4 Na ɔbaa dɛ dodowara a wɔgyee no dzii no kɔr abea bi a wɔfrɛ hɔ Mormon, bea no nyaa ne dzin fii no do ɔhen no ne nsaase n’ahe do a odu mber bi a nna mbowa abɔyafo ahyɛ hɔ mã no.
5 Afei, nsunyiwa bi wɔ hɔ a no mu nsu yɛ nsu krɔngyee wɔ Mormon, hɔ na Alma kɛhyɛe, ndua nkakraba kusuww bi wɔ nsu ne nkyɛn, na no mu na ɔdze noho kosumaa adzekyee osiandɛ nna ɔhen no ama wɔrohwehwɛ no.
6 Na ɔbaa dɛ dodowara a wɔgyee no dzii no kɔr hɔ ketsiee ne nsɛm.
7 Na ɔbaa dɛ nda pii ekyir no nyimpa pii kɔboaa hɔn ano wɔ Mormon dɛ woriketsie Alma ne nsɛm. Nyew, hɔn a wɔgyee ne nsɛm dzii no nyina kɔboaa hɔn ano dɛ woriketsie no. Na aɔkyerɛkyerɛɛ hɔn, na ɔkãa nnuho, nye ɔpon, na Ewuradze mu gyedzi ho nsɛm kyerɛɛ hɔn.
8 Na ɔbaa dɛ ɔsee hɔn dɛ: Hwɛ, Mormon esu wɔ ha (na dɛm na wɔfrɛɛ esu no) na hwɛ, hom enya apɛ dɛ hom bɛba Nyame no bnguanbuw mu, na wɔafrɛ hom no nkorɔfo, na hom cpɛ dɛ hom soasoa kor biara n’adzesoadze ama ɔayɛ har;
9 Nyew, na hom pɛ dɛ hom nye hɔn a hɔn werɛ ahow dzi hɔn yaw, nyew, na wɔkyekye hɔn a wohia awerɛkyekyer no hɔn werɛ, na wogyina dɛ Nyankopɔn an’adasefo aber nyina wɔ adze nyina mu, wɔ gyinabew biara a hom wɔ mu no mu, kesi owu mu mpo, ama Nyankopɔn apon hom, na wɔakan hom afora bowusoɛr edzikamfo no hɔn mu, ama hom eenya connyiewiei nkwa—
10 Afei mese hom dɛ sɛ iyi yɛ ɔpɛ a ofi hom akoma mu a, nna ebɛnadze na osiw hom kwan dɛ awobonuma hom wɔ Ewuradze ne dzin mu, ayɛ dasegye wɔ n’enyim dɛ hom nye no edzi bahyɛmu ntsi wɔnnkɛpɛ, dɛ hom bɔsom no na hom edzi ne mbrasɛm do, ama oeehue no Sunsum mbordo mbordo egu hom do?
11 Na afei ber a nkorɔfo no tsee dɛm nsɛm yi no, wɔbɔɔ hɔn nsamu enyigye mu, na wɔtsẽaa mu dɛ: Iyi yɛ ɔpɛ a ofi hɛn akoma mu.
12 Na afei ɔbaa dɛ Alma faa Helam, ɔno nye edzikamfo no hɔn mu kor na ɔnye no kɔree kegyinaa nsu no mu, na ɔtseaa mu see dɛ: O Ewuradze, hue wo Sunsum gu w’akowaa do ama ɔdze akoma a ɔyɛ krɔnkrɔn aayɛ edwuma yi.
13 Na ber a ɔkãa nsɛm yi no, Ewuradze no aSunsum baa no do, na ɔsee dɛ: Helam, menya btumdzi a ofi Otumfo Nyankopɔn no, cmonuma wo dze gye dase dɛ ahɛn ahyɛmudzi mu dɛ ebɔsom no ekesi dɛ ibowu dɛ mbrɛ nyimpadua a ɔyɛ dɛtse yi tse; na ma Ewuradze nhue no Sunsum ngu wo do na ɔmma wo nkwa a onnyiewiei ɔnam Christ dn’ɔpon do, ɔno a oesiesie fitsi wiadze ne efapem no.
14 Na Alma kãa nsɛm yi ekyir no, Alma nye Helam nyina akɛhyɛɛ nsu n’ase, na wɔsoɛree fii nsu no mu bae no nna woridzi dɛw, na Sunsum no ahyɛ hɔn mã.
15 Na Alma faa obi, bio, na ɔkɔr nsu no mu ne mpɛn a otsĩa ebien, na onumaa no dɛ mbrɛ ɔyɛɛ no kan no ara pɛr, soronko a ɔwɔ mu ara nye dɛ ɔammfa no ho nyina annkɛhyɛ nsu no mu bio.
16 Na dɛm kwan yi na ɔfaa do numaa obiara a ɔkɔr Mormon bea no do no; na hɔn dodow bɛyɛ akra ahaebien na anan; nyew, awonumaa hɔn wɔ Mormon esu mu, na Nyame bn’adom hyɛɛ hɔn mã.
17 Na wɔfrɛɛ hɔn Nyame n’asɔr, anaa aChrist n’asɔr, ofi dɛm aber no dze kɔ. Na ɔbaa dɛ obiara a wɔnam Nyame no tum do numaa no no bɛkãa n’asɔr no ho.
18 Na ɔbaa dɛ Alma a ɔwɔ atumdzi fi Nyame hɔ no hyɛɛ asɔfo; hɔn mu eduonum biara nyaa ɔsɔfo kor a ɔkã asɛmpa no kyerɛ hɔn na bɔkyerɛkyerɛ hɔn ndzɛmba a ɔfa Nyankopɔn n’ahenman ho.
19 Na ɔhyɛɛ hɔn dɛ mma wɔnnkyerɛkyerɛ hɔn biribiara nka dza ɔakyerɛkyerɛ hɔn no ho, nye dza nkɔnhyɛfo krɔnkrɔn no dze hɔn ano kãe no ho.
20 Nyew, ɔhyɛɛ hɔn mpo dɛ mma awɔnnkã asɛmpa biara gyedɛ nnuho nye gyedzi wɔ Ewuradze mu ho, nyia ɔapon no nkorɔfo no.
21 Na ɔhyɛɛ hɔn dɛ mma awentwiwentwi mba obiara nye no nua ntamu, na mbom wɔmfa benyiwa kor nhwɛ kan, wɔ gyedzi kor nye enuma kor mu, akoma a wɔabɔmu wɔ ckoryɛ mu na wɔndodɔ hɔnho nkorkor.
22 Na dɛm na ɔhyɛɛ hɔn dɛ wɔnka asɛmpa no. Na dɛm ntsi wɔbɛyɛɛ Nyankopɔn ne amba.
23 Na ɔhyɛɛ hɔn dɛ wɔnkaa aahomgyeda no na wonsie no krɔnkrɔn, na da biara so wɔmfa ndaase mma Ewuradze hɔn Nyankopɔn.
24 Na ɔhyɛɛ hɔn bio dɛ hɔn a ɔahyɛ hɔn asɔfo no mfa hɔnankasa hɔn ansa nyɛ edwuma mfa nhwɛ hɔnho.
25 Na wɔdze da kor sii hɔ wɔ dapɛn biara mu a wɔboaa hɔn ano dze kyerɛkyerɛɛ nkorɔfo no, na awɔsoom Ewuradze hɔn Nyankopɔn, na aber biara so a wobotum no, wohyiaa mu.
26 Na onnyi dɛ asɔfo no hɔn enyi da kwan dɛ dɔm no bɛnyɛn hɔn; mbom hɔn ndwuma n’akatua nye dɛ hɔn nsa bɛkã Nyame an’adom, dɛ wɔbɛyɛ dzen wɔ Sunsum mu, na woenya Nyame ne bnyimdzee, ama wɔdze ahoɔdzen nye tum a ofi Nyankopɔn hɔ akyerɛkyerɛ.
27 Na bio Alma hyɛɛ dɛ nkorɔfo a wɔwɔ asɔr no mu no nyiyi hɔn ahodze mfa mma, aobiara dɛ mbrɛ dodow biara a ɔwɔ no tse; sɛ ɔwɔ no mbordo a, ɔwɔ dɛ ɔma mbordo; na nyia ɔwɔ kakraabi no, ɔmma kakraabi, na mbom nyia onnyi bi no so, wɔmma no bi.
28 Na dɛm na wonyiyi hɔn ahodze mfa mma mfi hɔnankasa hɔn akoma mu nye ɔpɛ pa a wɔwɔ no wɔ Nyankopɔn mu, mfa mma asɔfo a wɔwɔ ahokyer mu, nyew, nye ɔkra biara a ohia na odzi adagyaw.
29 Na Nyame na ɔhyɛɛ no dɛ ɔnka nkyerɛ hɔn; na awɔnantseew tɔɔtseen wɔ Nyame enyim, na bwonyi mma hɔn ho nkorkor dɛ mbrɛ hɔn hia na hɔn ahwehwɛdze wɔ honam nye sunsum mu nyina tse.
30 Na afei ɔbaa dɛ wɔyɛɛ iyi nyina wɔ Mormon, nyew, wɔ aMormon esu ho, wɔ haban a ɔbɛn Mormon esu ho mu; nyew, Mormon mbew do, Mormon esu, Mormon haban mu, mbrɛ hɔ duaa yɛɛ fɛw maa hɔn a wɔbaa hɔ bohun hɔn Pomfo no a, nyew, na mbrɛ woduaa hyiraa hɔn a, na wɔbɔtow n’ayɛyi ndwom afebɔɔ.
31 Na wɔyɛɛ dɛm ndzɛmba yi wɔ asaase no, an’ahe do no ho, amma ɔhen no anntse hɔn nkã.
32 Mbom hwɛ, ɔbaa dɛ ɔhen no hun dɛ biribi rokɔ do wɔ nkorɔfo no mu, dɛm ntsi ɔsomaa no nkowaa dɛ wɔnkɛtsɛw hɔn. Dɛm ntsi da bi aber a wɔboaa hɔn ano dɛ woritsie Ewuradze n’asɛm no wobohun hɔn na wɔkɛkãa kyerɛɛ ɔhen no.
33 Na afei ɔhen no kãa dɛ Alma rununu nkorɔfo no ma wɔatsew no do etua; dɛm ntsi ɔsomaa no nsordaafo dɛ wɔnkɛsɛɛ hɔn.
34 Na ɔbaa dɛ Alma nye Ewuradze no dɔm no atsee nkã dɛ ɔhen no nsordaafo no reba; dɛm ntsi wɔfaa hɔn ntamadan nye hɔn ebusua ebusua na wofii hɔ kɔr sar no do.
35 Na hɔn dodow bɛyɛ akra ahaanan eduonum.