1 Na afei, ɔhen Benjamin nye nkorɔfo no kasaa wiei no, ɔdwen ho dɛ ohia dɛ ^aɔkyerɛw hɔn a wɔnye Nyankopɔn edzi ahyɛmu dɛ wobedzi ne mbrasɛm do no edzin.

2 Na ɔbaa dɛ ɔkra kor mpo nnyi hɔ kã mbofra nkakraba ho, na mbom obiara ahɛn ahyɛmudzi mu na wɔafa Christ ne dzin ato hɔn do.

3 Na bio, ɔbaa dɛ aber a ɔhen Benjamin dze ndzɛmba yi nyinara baa ewiei no, ɔtseew ne babanyin ^aMosiah ho ama ɔaabɛyɛ ɔhwɛfo na ɔhen wɔ no nkorɔfo no do, na ɔdze nhyehyɛɛ nyinara a ɔfa ahendzi ho no maa no, na ɔdze asɔfo no ^bsisii hɔn gyinabew ama ^cwɔaakyerɛkyerɛ nkorɔfo no, ma wɔatse na woehu Nyankopɔn ne mbrasɛm, na woekenyan hɔn ma wɔakaa ^dnsew a woedzi no. Ɔpoon dɔmtutuw no, na wɔsanee kɔr hɔn efiefi dɛ mbrɛ hɔn ebusua ebusua no tse.

4 Na ^aMosiah besii n’egya n’ananmu na ɔhyɛɛ n’ahendzi no ase. Na ɔhyɛɛ n’ahendzi ase no nna oedzi mfe eduasa, na sɛ wɔkã ne nyinara bɔ mu a bɛyɛ mfe ahaanan eduoson esia fitsi ^bber a Lehi dze fii Jerusalem no.

5 Na ɔhen Benjamin tsenaa ase mfe ebiasa nna owui.

6 Na ɔbaa dɛ ɔhen Mosiah nantseew Ewuradze n’akwan mu, na ɔhwɛɛ n’atsɛmbu nye ne gyinabew yie, na odzii mbra biara a ɔhyɛɛ hɔn dɛ wondzi do no do.

7 Na ɔhen Mosiah maa no nkorɔfo no yɛɛ edwuma wɔ asaase no do. Na ɔnoara so yɛɛ edwuma wɔ asaase no do, amma ^aɔannyɛ adzesoadze annda no nkorɔfo do, ama aayɛ dɛ mbrɛ n’egya yɛe wɔ adze nyinara mu no. Na wentwiwentwi biara ennsi no nkorɔfo no mu bɛyɛ mfe ebiasa ntamu.