Tsir 3
Ɔhen Benjamin sɔw ne kasaa do—Ewuradze Tumfo bɔsom adasa mu wɔ dɛtse honandua mu—Bɔgya befi no honandua no tokur biara mu egu wɔ ber a Ɔrobɔ werdam dze ama wiadze bɔn no—Ne dzin nko mu na nkwagye nam ba—Adasa botum nam no Werdambɔ no do eyi honammunyi no efi ma wɔabɛyɛ Ahotseweefo—Emumuyɛfo hɔn ahohyehye bɛyɛ dɛ ogya baka na brimstone. Bɛyɛ mfe 124 Ansaana wɔbɔwo Christ.
1 Na bio m’enuanom, morobɔtwe hom adwen aba ha bio, osiandɛ mowɔ nsɛm pii kã kyerɛ hom; na hom nhwɛ, mowɔ nsɛm pii kã kyerɛ hom wɔ ndzɛmba a ɔbɛba ho.
2 Na nsɛm a merebɛkã akyerɛ hom yi Nyame no abɔfoe na ɔdaa no edzi kyerɛɛ me. Na ɔsee me dɛ: Soɛr; na mosoɛree, na hwɛ obegyinaa m’enyim.
3 Na ɔsee me dɛ; Soɛr, na tsie nsɛm a merebɛkã akyerɛ wo yi; na hwɛ, maba dɛ merebɛda nsɛm a ɔyɛ aenyigye na ɔyɛ dɛw kɛse edzi akyerɛ wo.
4 Na Ewuradze atse wo mpaabɔ, na oehu wo tseneneeyɛ, na ɔasoma me dɛ membɛda no edzi nkyerɛ wo ama w’enyi aagye; ama aada no edzi akyerɛ wo nkorɔfo, ama hɔn so dɛw aahyɛ hɔn mã.
5 Na hwɛ mber reba, na onnyi ekyir, aEwuradze Otumfo a odzi hen no, nyia tsetse no na ɔwɔ hɔ, na ɔwɔ hɔ sesei fi mbersantsen nyina kesi mbersantsen nyina, dze tum befi sor esian adasamba mu, na ɔabɛfa bdɛtse honandua ahyɛ, na oekyima adasa mu, ayɛ cetumdze ndwuma akɛse, ɔbɛsa ayarfo yar, obenyan ewufo, ɔbɛma ebubuafo anantsew, efurafo ehu adze, etsitsifo atse asɛm, na ɔasã nyarba horow nyina.
6 Na ɔbɛpam ambɔnsam anaa esunsumfĩ a wɔtsetse adasamba hɔn akoma mu no efi hɔ.
7 Na hwɛ obehyia ansɔhwɛ nye ɔyaw, bɔkɔm, nsukɔm, ɔfona, na ɔbɔsɔw akyɛn ma ɔdasanyi botum casɔw mpo, dze ekesi owu mu; na hwɛ, dbɔgya befi honam tokura biara mu egu, na en’amandzehu bɔdɔɔ sõ osian no nkorɔfo hɔn emumuyɛdze na ebusudze ntsi.
8 Na wɔbɛfrɛ no aJesus Christ, bNyame ne Ba, sor nye asaase cEgya, adze nyina a ofi ahyɛse Bɔadze; na wɔbɛfrɛ ne dnã eMary.
9 Na hwɛ ɔbɛba nankasa ne dze hɔ, ama sɛ wonya agyedzi wɔ ne dzin mu mpo a, bnkwagye nam no mu aba adasamba do; na iyi nyina ekyir no mpo wobosusu dɛ ɔyɛ nyimpa, na wɔakã dɛ ɔwɔ csunsum bɔn, na dwɔakã no mpire, na ewɔabɔ no mbeamudua mu.
10 Na aɔbɔsoɛr wɔ da a botsĩa ebiasa no efi owu mu; na hwɛ, ogyina hɔ crubu wiadze atsɛn; na hwɛ, ɔayɛ ndzɛmba yi nyina ama atsɛmbu tsenenee aaba adasamba do.
11 Na hwɛ, no abɔgyaa so babɔ werdam dze etua bɔn a ɔwɔ hɔn a cwɔahwe ase wɔ Adam ne mbrato ntsi no, hɔn a woewuwu a wonnyim Nyankopɔn ne pɛ a ɔfa hɔn ho anaa wɔyɛɛ bɔn a nna dwonnyim.
12 Mbom ondue, ondue onyia onyim dɛ aɔretsew Nyankopɔn do etua! Osiandɛ nkwagye mmba obiara a ɔtse dɛm do gyedɛ dza oenya nnuho, na ɔwɔ gyedzi wɔ bEwuradze Jesus Christ mu.
13 Na Ewuradze Nyankopɔn asoma no nkɔnhyɛfo krɔnkrɔn wɔ adasamba nyina mu, dɛ wɔnda ndzɛmba yinom edzi nkyerɛ ebusuafo, aman, nye kasa horow nyina, ama obiara a aɔbɛgye edzi dɛ Christ bɛba no, eenya bbɔnfakyɛ, na ɔdze enyigye edzi dɛw kɛsenara, tse dɛ ɔaba hɔn mu dada mpo.
14 Naaso Ewuradze Nyankopɔn hun dɛ no nkorɔfo no yɛ akɔnkyefo, na ɔmaa hɔn mbra, aMoses mbra no mpo.
15 Na nsɛnkyerɛdze pii, na anwanwadze, na angyinahɔmadze asorɔtow nye mununkum na oyii kyerɛɛ hɔn wɔ ne mbaa ho; nna nkɔnhyɛfo krɔnkrɔn so kãa ne mbaa no ho nsɛm; naaso wopiriim hɔn akoma, na wɔanntse ase dɛ bMoses mbra no nnkã hwee dɛ, gyedɛ wɔnam no werdambɔ do.
16 Na sɛ ɔwɔ mu dɛ ambofra nkakraba mpo tum yɛ bɔn a wɔrenngye hɔn nkwa; mbom mekã kyerɛ hom dɛ bwoehyira hɔn; na hwɛ, dɛ ɔnam Adam do, anaa ɔnam abɔdze do wɔhwe ase a, dɛmara so na Christ no bɔgyaa bo hohor hɔn bɔn.
17 Na bio, mese hom dɛ dzin biara annyi hɔ a wɔdze ama anaa kwan biara nnyi hɔ a wobodua do ama bnkwagye aba adasamba do, gyedɛ ɔnam cChrist, Ewuradze Tumfo nkotoo ne dzin mu.
18 Na hwɛ obua atsɛn, na n’atsɛmbu yɛ pɛrpɛr; na abofraba a owu wɔ ne mbafobermu no rennhera na nyimpa nom dza ɔyɛ afɔbu ma hɔnankasa hɔn akra, gyedɛ wɔbrɛ hɔnho adze na wɔbɛyɛ dɛ ambofra nkakraba, na wɔgye dzi dɛ nna nkwagye wɔ hɔ, na ɔda ho wɔ hɔ, na ɔbɛba, na ofi Christ, Ewuradze Tumfo no bɔgyaa a ɔdze bɔɔ bwerdam no mu bɛba.
19 aHonammunyi no yɛ ɔtamfo ma Nyankopɔn, na ɔayɛ dɛm fitsi Adam bn’asehweberdo, na ɔbɔkɔ do ayɛ dɛm afebɔɔ kesi afebɔɔ, gyedɛ cogyaa noho ma dSunsum Krɔnkrɔn no ne nkenyan, na ɔpɔr nyimpa su no gu nkyɛn na ɔnam Ewuradze Christ no werdambɔ no no do bɛyɛ eɔhotsewnyi, na ɔbɛyɛ dɛ fabofra, na ogyaa noho ma; ɔdwe, ahobrɛadze, onya abotar, ɔdɔ hyɛ no mã, onya pɛ dɛ ɔbɔsɔw biribiara a Ewuradze noara nyim dɛ oye dɛ ɔdze ba no do, koraa mpo ɔyɛ dɛ mbrɛ abofra gyaa noho ma n’egya no.
20 Na bio, mese hom dɛ mber bi bɛba a Agyenkwa no ho anyimdzee bɛtahye bɔman biara, ebusuafo, kasa horow, nye nyimpa nyina mu.
21 Na hwɛ sɛ dɛm mber no du a, obiara arinndzi bem wɔ Nyame enyim, gyedɛ wɔyɛ mbofra nkakraba, na gyedɛ wɔnam nnuho na gyedzi a ɔwɔ Ewuradze Nyankopɔn Tumfo ne dzin mu.
22 Na obodu dɛm mber yi mpo, ber a akyerɛkyerɛ wo nkorɔfo ndzɛmba a Ewuradze wo Nyankopɔn ahyɛ wo no worinndzi bem wɔ Nyame enyim, wɔ nsɛm noara a makã akyerɛ wo no ntsi.
23 Na afei makã nsɛm a Ewuradze Nyankopɔn hyɛɛ me dɛ menkã no.
24 Na dɛm na Ewuradze se: Wobegyina dɛ dase a ɔhyerɛn dze etsia dɛm nkorɔfo yi wɔ atsɛmbu da no mu; hɔ na wobobu hɔn atsɛn, ɔdasanyi biara, dɛ mbrɛ no ndwuma tse, sɛ oye o, sɛ omuo o.
25 Na sɛ omuo a wobegya hɔn ma awɔahwɛ hɔnankasa hɔn fɔdzi na ebusudze huhu no, a ɔbɛma wɔawodow wɔ Ewuradze enyim dze hɔn akɔ bawerɛhow na ahohyehye a onnyi ewiei mu, hɔ na wonnkotum asan hɔn ekyir bio; dɛm ntsi wɔanom afɔbu ama hɔnankasa hɔn akra.
26 Dɛm ntsi, wɔanom Nyame n’ebufuhyew kɔɔpow no ano, dza pɛrpɛrdzi enntum ennsiw ho kwan amma hɔn no, dɛ mbrɛ oenntum ennsiw ho kwan amma aAdam ber a ɔwɔ dɛ ɔhwe ase wɔ ber a odzii beduaba no a wɔabra no; dɛm ntsi, wonnkohu hɔn cmbɔbɔr bio ekesi afebɔɔ.
27 Na hɔn aahohyehye tse dɛ bogya baka nye brimstone a ɔdzɛw na onndum da, na no wusiw fow kɔ sor afebɔɔ kesi afebɔɔ. Dɛm na Ewuradze ahyɛ me dɛ menkã. Amen.