Kyerɛwsɛm
Mosiah 17


Tsir 17

Alma gye dzi na ɔkyerɛw Abinadi ne nsɛm no—Abinadi wu wɔ ogya mu—Ɔhyɛ nkɔm dɛ hɔn a woruku no no bɛyar na wobodua ogya mu ewu. Bɛyɛ mfe 148 Ansaana wɔbɔwo Christ.

1 Na afei ɔbaa dɛ aber a Abinadi wiee dɛm nsɛm yi kã no, nna ɔhen no hyɛɛ dɛ aasɔfo no mfa no nkɔ ma wonku no.

2 Mbom nna hɔn mu kor wɔ hɔ a ne dzin dze aAlma, na ɔno so yɛ Nephi n’asenyi. Na ɔyɛ aberantsɛ, na bɔgyee nsɛm a Abinadi kãe no dzii, osiandɛ onyim emumuyɛdze a Abinadi akasa etsia no; dɛm ntsi ɔhyɛɛ ase paa ɔhen no kyɛw dɛ mma no bo mmfuw Abinadi, mbom ɔngya no kwan ma ɔnkɔ asomdwee mu.

3 Mbom iyi maa ɔhen no no bo fuwii ara yie, na ɔmaa kwan dɛ wonyi Alma mfi hɔn mu, na ɔsomaa no nkowaa dɛ wɔnkã no do nkoku no.

4 Mbom oguanee fii hɔn enyim na ɔdze noho kosumae ma woennhu no. Na okosumaa nda pii mu no aɔkyerɛɛw nsɛm no nyina a Abinadi kãe no.

5 Na ɔbaa dɛ ɔhen no maa n’aweɔmfo no bɔɔ Abinadi ho aprɔw na wɔfaa no; na wɔkyekyeer no na wɔtoow no kyeen efiadze.

6 Na nda ebiasa ekyir no a ɔnye n’asɔfoe pamee wiei no, ɔmaa wɔkɛfaa no baa n’enyim bio.

7 Na ɔsee no dɛ: Abinadi, yenya asɛm etsia wo, na esɛ owu.

8 Osiandɛ akã dɛ aNyankopɔn nankasa besian aba adasamba mu; na afei, dɛm ntsi wobokum wo gyedɛ etwe nsɛm a akã nyina a ɔyɛ mbusu dze ma emi nye mo nkorɔfo no san.

9 Afei Abinadi see no dɛ: Mese wo dɛ moronntwe nsɛm a makã a ɔfa nkorɔfo yi ho no nnsan osiandɛ ɔyɛ nokwar; na dɛ mama hom ehu dɛ ɔyɛ nokwar ntsi na mama moho kwan na mabɔtɔ wo nsamu.

10 Nyew, na mebɛma moho kwan araa dze ekesi owu mu mpo, na moronntwe me nsɛm nnsan, na obegyina hɔ dɛ dasegye etsia hom. Na sɛ hom ku me a, hom bɛkã abɔgya a afɔbu nnyi ho egu, na iyi so begyina hɔ dɛ ɔyɛ dasegye etsia hom wɔ da a odzi ewiei no mu.

11 Na afei nkyɛ ɔhen Noah rebegyaa no mu, osiandɛ nna osuro n’asɛm no; na osuro dɛ Nyankopɔn n’atsɛmbu bɛba no do.

12 Na mbom asɔfo no maa hɔn ndze do tsiaa no, na wɔhyɛɛ ase kasaa tsiaa no see dɛ: Ɔakã kasa bɔn etsia ɔhen; Dɛm ntsi woekenyan ɔhen no n’ebufuw wɔ no ho, ma oyii no maa dɛ wonkoku no.

13 Na ɔbaa dɛ wɔfaa no na wɔkyekyeer no, na wɔdze dadze abaa hwee no, nyew, dze kɔr owu mu mpo.

14 Na afei aber a ogyaframee hyɛɛ ase dɛ ɔrehyew no no, ɔtseaa mu see hɔn dɛ:

15 Hwɛ, dɛ mbrɛ hom dze ayɛ me yi, dɛmara na hom asefo bɛma hom mu dodowara bohu amandze a muruhu yi bi, wɔ aogya mu owu ne yaw mpo; na iyi besi osiandɛ wɔgye Ewuradze hɔn Nyankopɔn no nkwagye no dzi.

16 Na ɔbɛba dɛ osian hom emumuyɛ ntsi hom bohu amandze wɔ nyarba horow pii ano.

17 Nyew, bea a hom bɛdan afa biara awɔbɔhwe hom, na wɔbɛpam hom na wɔabɔ hom apetse na hom edzi akɔnaaba dɛ mbrɛ mbowa abɔyafo pam kwaamu nguankuw.

18 Na dɛm da no mu wobetsiw hom, na hom atamfo nsa bɛkã hom, na hom bohu amandze, dɛ mbrɛ muruhu amandze, wɔ aogya mu owu ne yaw yi.

19 Dɛm na Nyankopɔn dze aawerdzi bɛba hɔn a wɔsɛɛ no nkorɔfo do. O Nyame, gye me kra.

20 Na afei ber a Abinadi kãa dɛm nsɛm yi wiei no, ɔhwee ase, na owui wɔ ogya no mu; nyew, wokum no osiandɛ ɔammpow Nyankopɔn ne mbrasɛm, na ɔdze no wu sɔɔw no nokwar a ɔwɔ ne nsɛm ho no ano.