1 Jun hu kixtz’iib’a laj Mormon ^alin yuwa’ wik’in laa’in, aj Moroni; ut kitz’iib’aman wik’in ka’ch’in chik chirix inb’oqb’al sa’ li k’anjel. Ut jo’ka’in kixtz’iib’a we; kixye:

2 At walal Moroni, raarookat inb’aan, nasaho’ inch’ool chi numtajenaq naq laa Qaawa’ Jesukristo wan chak’oxlankil, ut katxb’oq sa’ xk’anjelil, ut sa’ lix santil k’anjel.

3 Laa’in nakatink’oxla junelik sa’ lin tij, ut rajlal nintijok chiru li Dios Yuwa’b’ej sa’ lix k’ab’a’ lix Santil Alal Jesus, naq a’an, rik’in lix ^achaab’ilal ut ^brusilal li maak’a’ roso’jik, tatxk’uula rik’in xkuyb’al xpaab’ankil lix k’ab’a’ toj sa’ roso’jik.

4 Ut anajwan, at walal, nakatwaatina chirix li k’a’ru naraho’ wi’ inch’ool chi numtajenaq, xb’aan naq naraho’ inch’ool naq taawakliiq li ^awech’ink-ib’ sa’ eeyanq.

5 Xb’aan naq wi yaal li xintzol, wanjenaq li wech’ink-ib’ sa’ eeyanq chirix xkub’sinkil xha’eb’ lee kok’al li toj ka’ch’ineb’ xyu’am.

6 Anajwan ut, at walal, nawaj naq texk’anjelaq chi yalb’il eeq’e, re naq li nimla sachk a’in taa’isiiq chaq sa’ eeyanq; xb’aan naq xb’aan a’in naq xintz’iib’a li hu a’in.

7 Xb’aan naq sa’ junpaat chirix naq kintzol li k’a’aq re ru a’in cherix, kinpatz’ok re li Qaawa’ chirix li na’leb’ a’an. Ut li ^araatin li Qaawa’ kichal wik’in xb’aan lix wankil li Santil Musiq’ej, ut kixye:

8 Ab’ihomaq li raatin li Kristo, laj Tojol eerix, lee Qaawa’ ut lee Dios. K’e reetal, kinchal sa’ li ruchich’och’ moko re ta xb’oqb’al li tiikeb’ xch’ool, a’b’an eb’ laj maak re te’xjal xk’a’uxl; li ani ^akaw moko neke’raj ta ru aj b’anonel; a’eb’ b’an li yaj; jo’kan ut, eb’ li ^bkok’al li ka’ch’ineb’ xyu’am ^ckaweb’ rib’, xb’aan naq ink’a’ neke’ru ^dchixb’aanunkil li maak; jo’kan naq lix majewankil laj ^eAdan, wik’in laa’in isinb’il chaq sa’ xb’eeneb’, jo’kan naq maak’a’ xwankil sa’ xb’eeneb’; ut li chaq’rab’ chirix ^fxsetb’al xtz’uumal li tz’ejwalej k’eeb’il xraqik wik’in.

9 Ut jo’ka’in naq li Santil Musiq’ej kixk’utb’esi li raatin li Dios we; jo’kan ut, at walal raarookat inb’aan, ninnaw naq anchal eetz’unk chiru li Dios, naq teekub’si xha’eb’ li kok’al li ka’ch’ineb’ xyu’am.

10 K’ehomaq reetal ninye eere naq a’in li k’a’ru teek’ut—li jalb’a-k’a’uxlej ut li kub’iha’ chiruheb’ li ^atz’aqaleb’ xna’leb’ chi teneb’aak, ut li neke’ru chixb’aanunkil li maak; relik chi yaal, k’utumaq chiruheb’ li na’b’ej ut li yuwa’b’ej naq tento te’xjal xk’a’uxl ut te’kub’eeq xha’, ut te’xtuulanob’resi rib’ chanchaneb’ lix ^bkok’al, ut te’kole’q chixjunileb’ rochb’eeneb’ lix kok’al.

11 Ut eb’ lix ^akok’al ka’ch’ineb’ xyu’am maajun jalb’a-k’a’uxlej neke’raj ru, chi moko li kub’iha’. K’ehomaq reetal, li kub’iha’ a’an choq’ re li jalb’a-k’a’uxlej, re xtz’aqob’resinkil ru li taqlahom re taa’uxq ^brisinkil li maak.

12 A’b’anan eb’ li ^akok’al yo’yookeb’ rik’in li Kristo, chalen ajwi’ chaq sa’ xk’ojlajik li ruchich’och’; wi ta ink’a’ jo’kan, a’anaq raj li Dios jun Dios moko tiik ta ru xna’leb’, jo’ ajwi’ jun Dios li naxjal rib’, ut aj ^btihonel ru li winq; xb’aan naq maak’a’jo’ xk’ihaleb’ li kok’al li ke’kam chi moko xk’ulumeb’ ta li kub’iha’!

13 Jo’kan ut, wi ta ink’a’ taaruuq te’kole’q li kok’al chi maak’a’ li kub’iha’, eb’ a’in tento raj naq xkoheb’ sa’ jun xb’alb’a li maak’a’ roso’jik.

14 K’ehomaq reetal ninye eere, ani nak’oxlank re naq eb’ li kok’al li ka’ch’ineb’ xyu’am neke’raj ru li kub’iha’, wan sa’ xk’ahil li yot’e’k ut sa’ xb’ak’leb’ li maa’usilal, xb’aan naq maak’a’ ^axpaab’aal, chi moko xyo’onihom, chi moko xrahom, jo’kan naq wi ta taa’isiiq chaq a’an sa’ xk’oxlankil, tento taakub’eeq sa’ xb’alb’a.

15 Xb’aan naq xuwajel li maa’usilal xk’oxlankil naq li Dios naxkol jun li kok’al xb’aan li kub’iha’, ut li jun chik tento taa’oso’q xb’aan naq moko xk’ulum ta li kub’iha’.

16 Rahilal chichalq sa’ xb’eeneb’ li te’po’resinq re lix b’e li Qaawa’ chi jo’ka’in, xb’aan naq eb’ a’an te’oso’q wi ink’a’ neke’xjal xk’a’uxl. K’e reetal, nin’aatinak rik’in xkawil inch’ool, chi ^ak’eeb’il inwankil xb’aan li Dios; ut moko ninxuwa ta li taaruuq tixb’aanu li winq; xb’aan naq li tz’aqal ^brahok ^cnarisi chixjunil li xiw.

17 Ut laa’in nujenaqin rik’in li ^atz’aqal rahok, a’an li rahok li junelik nakana; jo’kan naq chixjunileb’ li kok’al juntaq’eeteb’ choq’ we; jo’kan naq ninraheb’ li ^bkok’al rik’in jun rahok li tz’aqal re ru; ut juntaq’eeteb’ chixjunileb’, ut neke’tz’aqon sa’ li kolb’a-ib’.

18 Xb’aan naq ninnaw naq li Dios maawa’ jun Dios li tiib’il ru anihaq chiru, chi moko naxjal rib’; a’an b’an wan chi ^aink’a’ naru xjalb’al rib’, chalen chaq ^banchal li junelik q’e kutan toj anchal li junelik q’e kutan chik.

19 Eb’ li ^akok’al ka’ch’ineb’ xyu’am ink’a’ neke’ru chixjalb’al xk’a’uxl; jo’kan naq xuwajel maa’usilal xramb’al lix saq ruhil uxtaan li Dios choq’ reheb’, xb’aan naq chixjunileb’ a’an yo’yookeb’ rik’in a’an, xb’aan li ^bruxtaan.

20 Ut ani nayehok re naq eb’ li kok’al li ka’ch’ineb’ xyu’am neke’raj ru li kub’iha’ naxtz’eqtaana xyaalal li ruxtaan li Kristo, ut naxk’e chi jo’maajo’ lix ^atojb’al rix li maak kixb’aanu, ut xwankil li tojb’al-ix xb’aan.

21 Rahilal sa’ xb’een xkomoneb’ a’an, xb’aan naq tento te’xxuwa ru li kamk, li ^axb’alb’a, ut jun rahilal li ^bmaak’a’ roso’jik. Ninye chi kaw inch’ool; li Dios xtaqlan we. Ab’ihomaq, ut k’ehomaq eexik rik’in, malaj ut taaxaqliiq a’in chejitb’al sa’ lix ^craqleb’aal aatin li Kristo.

22 Xb’aan naq k’ehomaq reetal naq chixjunileb’ li kok’al ^ayo’yookeb’ rik’in li Kristo, ut jo’kaneb’ ajwi’ li wankeb’ chi maak’a’ li ^bchaq’rab’ rik’ineb’. Xb’aan naq lix wankilal li ^ctojb’al-ix nachal sa’ xb’eeneb’ chixjunil li maak’a’ li chaq’rab’ rik’ineb’; jo’kan ut, ani moko k’eeb’il ta sa’ tojb’a-maak, malaj li ani maajun tojb’a-maak wan sa’ xb’een, ink’a’ naru naxjal xk’a’uxl; ut re xkomon a’an maak’a’ na’ok wi’ li kub’iha’—

23 A’an b’an eetz’unk chiru li Dios, xtz’eqtaanankil xyaalal li ruxtaan li Kristo ut lix wankil lix Loq’laj Musiq’, ut xkanab’ankil eerib’ chiru li ^akamenaqil k’anjel.

24 K’e reetal, at walal, ink’a’ raj tento taawanq li na’leb’ a’in; xb’aan naq li ^ajalb’a-k’a’uxlej, a’an choq’ reheb’ li wankeb’ rub’el tojb’a-maak, ut wankeb’ rub’el xmajewahom jun li q’etb’il chaq’rab’.

25 Ut li xb’een ruuchinihom li ^ajalb’a-k’a’uxlej a’an li ^bkub’iha’; ut li kub’iha’ nachal xb’aan li paab’aal choq’ re xtz’aqob’resinkil ru li taqlahom; ut lix tz’aqob’resinkil ru li taqlahom naxk’am chaq li ^crisinkil li maak;

26 Ut li risinkil li maak naxk’am chaq li ^atuulanil, ut li kub’enaqil ch’oolej; ut sa’ xk’ab’a’ li tuulanil ut li kub’enaqil ch’oolej nachal li ula’aniik xb’aan li ^bSantil Musiq’ej, ut a’ ^cK’ojob’anel Ch’oolej a’an nanujob’resink rik’in ^dyo’onink ut tz’aqal ^erahok, ut a’ rahok a’an nakana rik’in ^fxyalb’aleb’ xq’e chi ^gtijok, toj reetal naq taachalq li roso’jik, naq chixjunileb’ laj ^hsantil paab’anel te’wanq rik’in li Dios.

27 K’e reetal, at walal, tintz’iib’aq wi’chik aawik’in wi ink’a’ ninxik sa’ junpaat chixpleetinkileb’ laj Lamanita. K’e reetal, lix ^aq’etq’etil li tenamit a’in, malaj lix tenamiteb’ laj Nefita, ak xk’am chaq lix sachlijikeb’ wi ink’a’ neke’xjal xk’a’uxleb’.

28 Chattijoq chirixeb’, at walal, re naq taaruuq taachalq li jalb’a-k’a’uxlej rik’ineb’. A’b’an k’e reetal, ninxuwa maare anchal li Musiq’ej xkanab’ ^axyalb’al xq’e rik’ineb’; ut sa’ li jun raqal chi ch’och’ a’in yookeb’ ajwi’ chixsik’b’al xt’anb’al chixjunil li wankilal li nachal chaq rik’in li Dios ut li k’eeb’il xb’aan; ut yookeb’ ^bchixtz’eqtaanankil xyaalal li Santil Musiq’ej.

29 Ut chirix xtz’eqtaanankil xkomon xnimal a’ na’leb’ a’in, at walal, sa’ junpaat tento te’oso’q, re taatz’aqloq ru li profeetil aatin li yeeb’il chaq xb’aaneb’ li profeet, jo’ ajwi’ li raatin tz’aqal li qaKolonel.

30 Inwan, at walal, toj reetal naq tintz’iib’aq aawik’in, malaj tatink’ul wi’chik. Amen.