Lix Hu laj Moroni
Ch’ol 1
Laj Moroni natz’iib’ak choq’ re lix chaab’ilaleb’ laj Lamanita—Eb’ laj Nefita li ink’a’ te’tz’eqtaananq xyaalal li Kristo neke’k’ehe’ chi kamk. Wan na 401–421 chihab’ xyo’lajik li Kristo.
1 Anajwan laa’in, aj aMoroni, chirix naq kink’e xraqik xk’osb’al ru li resilal lix tenamit laj Jared, kink’oxla naq ink’a’ chik tintz’iib’aq, a’b’anan toj maji’ nin’oso’; ut moko nink’e ta wib’ chi nawe’k chiruheb’ laj Lamanita, maare anchal tine’xkamsi.
2 Xb’aan naq k’ehomaq reetal, numtajenaq xjosq’il li apleet wankeb’ wi’ chirib’ileb’ rib’; ut xb’aan xkaqaleb’ bneke’xk’e chi kamk li junjunq aj Nefita li ink’a’ taatz’eqtaananq xyaalal li Kristo.
3 Ut laa’in, aj Moroni, aink’a’ tintz’eqtaana xyaalal li Kristo; jo’kan ut, ninb’eek b’araq naru chiwu, re xkolb’al rix tz’aqal inyu’am laa’in.
4 Jo’kan ut, nintz’iib’a junjunq chik li k’a’aq re ru, us ta moko xink’oxla ta chi jo’kan, xb’aan naq xink’oxla naq maak’a’ chik tintz’iib’a; a’b’an nintz’iib’a junjunq chik li k’a’aq re ru, re naq maare taawanq xloq’al choq’ reheb’ li was wiitz’in, eb’ laj Lamanita, sa’ junaq kutan chalel, jo’ chanru li rajom li Qaawa’.