1 තවද දැන්, බලව, බේරුණා වූ මේ ජනතාවගෙන් ඉතිරි වූ අයට මම යම් දෙයක් කතා කරමි, එනම් ඔවුන්ගේ පියවරුන්ගේ දේවල් ඔවුන් දැනගන්නා පිණිස, එනම් දෙවියන්වහන්සේ මාගේ වචන ඔවුන් හට ලබා දෙන සේක්වා; එසේය, ඊශ්‍රායෙල් වංශයේ ඉතිරි වූවන් වූ නුඹලා, මම නුඹලාට කියමි; තවද මා කතා කරන්නා වූ වචන මේවාය:

2 නුඹලා එනම් ඊශ්‍රායෙල් වංශයෙන් බව නුඹලා දැනගන්න.

3 එනම් නුඹලා පසුතැවිල්ලට පැමිණිය යුතු බව නුඹලා දැනගන්න, එසේ නොමැතිනම් නුඹලාට ගැලවීම ලැබිය නොහැක.

4 නුඹලා එනම් නුඹලාගේ යුද්ධායුධ බිම තැබිය යුතු අතර, තවද ලේ වැගිරීමෙහි තවදුරටත් ප්‍රසාද නොවන බවත්, තවද දෙවියන්වහන්සේ නුඹලාට අණ කළහොත් මිස, තවද ඒවා නැවත නොගත යුතු බවත්, නුඹලා දැනගන්න.

5 නුඹලා නුඹලාගේ පියවරුන් පිළිබඳ දැනුමට පැමිණිය යුතු බවත්, තවද නුඹලාගේ සියලු පාප සහ අයුතුකම් ගැන පසුතැවිලි විය යුතු බවත්, තවද ජේසුස් ක්‍රිස්තුස්වහන්සේ කෙරෙහි විශ්වාස කළ යුතු බවත්, එනම් උන්වහන්සේ දෙවියන්වහන්සේගේ පුත්‍රයා බවත්, එනම් යුදෙව්වන් විසින් උන්වහන්සේව මරා දැමූ බවත්, තවද පියාණන්වහන්සේගේ බලයෙන් උන්වහන්සේව නැවත නැඟිට ඇති බවත්, එමඟින් උන්වහන්සේ සොහොනට එරෙහිව ජයග්‍රහණය ලබා ඇති බවත් නුඹලා දැනගන්න; තවද එසේම උන්වහන්සේ තුළ මරණයේ විෂ ගිල දමා ඇත්තේය.

6 තවද උන්වහන්සේ මළවුන්ගේ උත්ථානය ගෙන එන සේක, එමඟින් මනුෂ්‍යයා උන්වහන්සේගේ විනිශ්චයාසනය අභිමුඛයේ පෙනී සිටීමට නැඟිටුවිය යුතුය.

7 තවද උන්වහන්සේ ලෝකයාගේ මිදීම ගෙනැවිත් ඇත්තේය, එමගින් විනිශ්චය දවසේදී එනම් උන්වහන්සේ අභිමුඛයෙහි නිර්දෝෂී බව සොයා ගන්නා තැනැත්තාට උන්වහන්සේගේ රාජ්‍යයේ දෙවියන්වහන්සේගේ අභිමුඛයේ වාසය කිරීමටත්, ඉහළ සිටින්නාවු ගායනා කණ්ඩායම් සමඟ, එකම දෙවියන් වන, පියාණන්වහන්සේට ද, තවද පුත්‍රයාණන්වහන්සේට ද, සහ ශුද්ධාත්මයාණන්වහන්සේට ද, නිමාවක් නොමැත්තා වූ ප්‍රීතියකින්, නොනවතින ප්‍රශංසා ගායනා කිරීම සඳහා, ඔහු හට එය ලබා දී ඇත්තේය.

8 එසේහෙයින් පසුතැවිලි වී, තවද ජේසුස්වහන්සේගේ නාමයෙන් බෞතීස්මය වන්න, තවද නුඹලා ඉදිරියේ තබනු ලබන ක්‍රිස්තුස්වහන්සේගේ ශුභාරංචිය අල්ලා ගන්න, මෙම වාර්තාව තුළ පමණක් නොව, එහෙත් එසේම යුදෙව්වන් වෙතින් අන්‍යජාතීන්ට පැමිණෙන වාර්තාවද, එම වාර්තාව අන්‍යජාතීන් වෙතින් නුඹලා හට පැමිණෙන්නේය.

9 මක්නිසාද බලව, එනම් නුඹලා එය විශ්වාස කිරීමේ අරමුණ උදෙසා මෙය ලියා ඇත්තේය; තවද එනම් නුඹලා එය විශ්වාස කරන්නේ නම් නුඹලා එසේම මෙයද විශ්වාස කරනු ඇත්තේය; තවද නුඹලා මෙය විශ්වාස කරන්නේ නම් නුඹලා නුඹලාගේ පියවරුන් සම්බන්ධයෙන් ද, තවද එසේම ඔවුන් අතර දෙවියන්වහන්සේගේ බලයෙන් සිදු කරන ලද පුදුමාකාර ක්‍රියාවන් පිළිබඳවද දැන ගනු ඇත්තෝය.

10 තවද නුඹලා යාකොබ්ගේ වංශයේ ඉතිරිවූවන් බව එසේම නුඹලා දැන ගනු ඇත්තේය; එසේහෙයින් නුඹලා පළමු ගිවිසුමේ ජනතාව අතර ගණන් ගනු ඇත; තවද එනම් නුඹලා ක්‍රිස්තුස්වහන්සේ කෙරෙහි විශ්වාස කර, අපගේ ගැලවුම්කරුවාණන්ගේ ආදර්ශය අනුගමනය කරමින්, එනම් උන්වහන්සේ අපට අණ කළ පරිදි, තවද පළමුව ජලයෙන්, පසුව ගින්නෙන් සහ ශුද්ධාත්මයාණන්ගෙන් බෞතීස්මය වන්නේ නම්, විනිශ්චය දවසේදී එය නුඹලාට යහපතක් වනු ඇත්තේය. ආමෙන්.